A Time to Kill (Film)
| Filmdaten | |
|---|---|
| Plattdüütsch Titel: | — |
| Originaltitel: | A Time to Kill |
| Düütsch Titel: | Die Jury |
| Produkschoonsland: | USA |
| Johr vun’t Rutkamen: | 1996 |
| Läng: | 143 Minuten |
| Originalspraak: | Engelsch |
| Öllersfreegaav in Düütschland: | FSK 12 |
| Filmkru | |
| Speelbaas: | Joel Schumacher |
| Dreihbook: | Akiva Goldsman |
| Produkschoon: | John Grisham Hunt Lowry Arnon Milchan Michael G. Nathanson |
| Musik: | Elliot Goldenthal |
| Kamera: | Peter Menzies Jr. |
| Snitt: | William Steinkamp |
| Szenenbild: | Larry Fulton |
| Kledaasch: | Ingrid Ferrin |
| Dorstellers | |
| |
A Time to Kill (op Platt so veel as „’N Tiet to’n Lüüd doodmaken“; dt. Titel: Die Jury) is de Titel vun en US-amerikaansch Filmdrama un Justizthriller ut dat Johr 1996. De Inholt baseert op den Roman A Time to Kill, den John Grisham 1989 rutbröcht harr. De Hööftrullen speelt Matthew McConaughey, Sandra Bullock un Samuel L. Jackson.
Inholt ännern
In Canton, Mississippi maakt sik twee witte Mannslüüd en Spaaß dorut, Swarte to schikaneeren. As se veel Alkohol drunken hebbt, fohrt se op en aflegen Straat an de lütte teihnjohrige, swarte Deern Tonya Hailey vörbi. Se vergaht sik an de helplose Deern un versöökt dorna ehr dood to maken, man se överleevt. Se warrt swoor besehrt un is na de Gewalt, de ehr andoon weer nich mehr in de Laag Kinner to kriegen. Ehr Vadder, Carl Lee Hailey, weet nipp un nau, dat witte Minschen begünstigt warrt un hett de Sorge, dat de beiden Mannslüüd mit en to leeftallige Straaf wegkamt. Dorüm störmt he mit en Stormgewehr M16 in’n Gerichtssal un schütt op de beiden un bringt jem üm. Man, ok de Polizist, de op de beiden oppasst warrt dorbi so swoor drapen, dat sien Been afnahmen warrn mutt. Carl Lee Hailey warrt na sien Sülvstjustiz anklaagt un kummt wegen Moord vör Gericht. Em drauht nu de Doodstraaf, wenn dat böös kummt.
De Afkaat Jake Tyler Brigance, de eerst siet korte Tiet tolaten worrn is, warrt mit den Fall betroet un nimmt an, Hailey to verdeffenderen. Bald al mutt Brigance faststellen, dat ünner de Inwahners veel Rassismus verbreedt is un se em düchtig inheizt. Bi de Verhandlung kriggt Brigance Help vun de Studentin Ellen Roark, de he anfangs gor nich annehmen wull. Ünnerstütt warrt he bito vun sien ehmoligen Mentor Lucien Willbanks, de sien Lizenz verloren hett un alkoholafhangig is, un vun de Afkaat Harry Rex Vonner.
In de Twüschentiet warrt vun Rassisten ut dat Ümfeld vun de ümbröchten Verbrekers en Oortsgrupp vun’n Ku-Klux-Klan, un maakt sik nu mit Gewalt doran, Brigance bang to maken. So warrt ünner annern sien Huus daalbrennt, un – as he liekers wietermaakt – Roark misshannelt. Man, Brigance gifft nich na, ok nich as em en vun Vertreders vun de Minschenrechtsvertreten en hoge Affinnen anboden warrt, dat he den Fall an en annern Afkaat afgeven deit.
As an’n letzten Dag vun de Verhandlung de End-Plädoyers hollen warrt, kann Brigance en so goot Plädoyer vördrägen, dat de Sworenen-Jury Carl Lee Hailey freespreken deit. An’t Enn maakt Carl Lee mit sien Familie en Fier mit siene Frünnen, to de unvermodens ok Jake Brigance mit sien Fro un sien Dochter kamen doot. Jake seggt, dat jemehr Döchter tosamen spelen künnen, Üm Carl Lee to wiesen, de de Ünnerscheed twüschen swart un witt amenner doch nich so groot is.
Kritiken ännern
James Berardinelli schreev op ReelViews, de Roman weer na den Schriever sülvst sien persönlichsten Roman. Grisham harr to’n groten Deel de Kontroll över de Filmprodukschoon, wodör de Film wunnen harr. He schreev, dat de Regie goot weer un de Film ünnerhollen de. Wieter loov he Matthew McConaughey, Sandra Bullock, Samuel L. Jackson un de tallrieken Nevendorstellers as Ashley Judd, Kevin Spacey un Kiefer Sutherland.[1]
Roger Ebert loov in de Chicago Sun-Times vun’n 26. Juli 1996 den „geschickt konstrueerten“ Film. Sünners dull loov he dat Dorstellen vun Samuel L. Jackson un Matthew McConaughey.[2]
Lexikon vun’n internatschonalen Film: „Nach einem Bestseller von John Grisham als laute und an Stars orientierte Illustriertengeschichte verfilmt. Reale Verhältnisse werden dabei ebenso verbogen wie die gegenwärtigen Dimensionen des Rassenkonflikts. Eher eine Rechtfertigung der Selbstjustiz als ein brauchbarer Beitrag zur Diskussion gesellschaftlicher Mißstände in den Vereinigten Staaten.“[3]
Utteken ännern
De Film weer för föffteihn Filmpriesen vörslahn, ünner annern för den Golden Globe. Uttekent worrn is he mit söss Priesen:
- 1997: den ASCAP Award in de Kategorie Top Box Office Films för Elliot Goldenthal
- 1997: den Blockbuster Entertainment Award in de Kategorie Leefsten sehn Schauspelersche – Spannung för Sandra Bullock
- 1997: den Blockbuster Entertainment Award in de Kategorie Leefsten sehn Nevendorsteller – Spannung för Samuel L. Jackson
- 1997: den Image Award in de Kategorie Rutragen Speelfilm
- 1997: den Image Award in de Kategorie Rutragen Nevendorsteller in en Speelfilm för Samuel L. Jackson
- 1997: den MTV Movie Award in de Kategorie Best Needorsteller för Matthew McConaughey
Literatur ännern
- John Grisham: Die Jury. Roman (Originaltitel: A Time to Kill). Düütsch vun Andreas Brandhorst. Heyne, München 2006, 620 S., ISBN 978-3-453-72083-1 oder ISBN 3-453-72083-0
Borns ännern
- ↑ James Berardinelli
- ↑ Roger Ebert
- ↑ „Lexikon des internationalen Films“ (CD-ROM-Utgaav), Systhema, München 1997
Weblenken ännern
- A Time to Kill in de Internet Movie Database (engelsch)
- Kritiken to A Time to Kill op Rotten Tomatoes