Adele Girard
Beatrice Adele Girard (* 25. Juni 1913, nah de Heiraadt Adele Girard Marsala; † 7. September 1993 in Denver, Colorado) weer en US-amerikaansch Jazz-Harpspelerin un Pianistin vun den Swing.
De Dochter vun en Opernsingerin un vun en Violinisten, de as Konzertmeester för Victor Herbert arbeit harr, kreeg klassisch Harp-Ünnerricht. Anfangs speel se Klaveer eerst in Hotels un sung 1933 in dat Orchester vun Harry Sosnik in Chicago. Dor fung se an, ok 1934 as Harpspelerin uptotreden. Dormit weer se en vun de eersten in’ Jazz – Casper Reardon keem hör um 1936 en beten tovör – un damals en „Novelty“ Nummer, de de Band dorto deenen sull, sück vun annern aftoheven. Vörövergahnd hett se ok lütt Rullen in Hollywood speelt, in en vun de Filme wurr ok hör „Harp Boogie“ upommen. Se speel mit Frankie Trumbauer un Jack Teagarden (in de sien „The three T´s“, wo se Reardon an de Harp ersett hett) bispeelswies in de Club (un Steak-Restaurant) „Hickory House“ in de 52nd Street in New York, wo se ok af 1937 in de Band vun Joe Marsala speel, de se in dat glieker Johr ok heiraadt hett. Gemeensam harrn se bit etwa 1948 en Big Band un sünd ok noch Enn’ vun de 1960er Johren gemeensam in Clubs uptreden, toletzt 1970 in’ „Donte“ in Hollywood. In de 1960ern hett se ok as Pianistin un in Musiktheatern arbeit un weer tietwies an de Theater-Fakultät vun de University of Southern California as Instrukteurin tätig. Ok nah de Dood vun Marsala 1978 is se noch uptreden un 1992 hett se ok noch een CD mit den Klarinettisten Bobby Gordon, wat en Schöler vun Marsala weer, bi „Arbors“ upnommen.
Literatur ännern
- Linda Dahl, Stormy Weather. The Music and Lives of a Century of Jazzwomen. Quartet Books. London 1984. ISBN 0-7043-2477-6