Alec Dankworth (* 14. Mai 1960 in London) is en britisch Musiker (Kontrabass un Komponist vun de Modern Jazz.

Alec Dankworth

Leven un Wark ännern

Dankworth is in en musikalischen Familie upwussen: Sien Öllern sünd John Dankworth un Cleo Laine; de Singerin Jacqui Dankworth is sien Süster. Nah de Besök vun de Bedford School studeer he van 1978 bit 1980 an dat Berklee College of Music. Dornah weer he bit 1983 Liddmaat vun dat Cleo Laine/John Dankworth Quintett, mit de he up Gastspeelreisen in de USA, Europa un Australien weer. He hett mit Tommy Chase, de BBC Radio Big Band un Clark Tracey, mit de he twee Alben inspeelt hett, arbeit. Mit Nigel Kennedy hett he 1988 en Duoupnahm vun Duke Ellingtons Suite Black, Brown and Beige vörleggt un führ up en Tournee in Grootbritannien Die vier Jahreszeiten vun Antonio Vivaldi up. In dn 1980er Johren speel he ok mit Dick Morrissey, Spike Robinson, Jean Toussaint, Michael Garrick as ok Julian Joseph un hett en eegen Quintett upbaut.

Mit Abdullah Ibrahim tour he 1993 dör Europa un Süüdafrika. Dornah gehör he to de Band vun Van Morrison. 1997 truck he nah New York City un spell mit dat Duke Ellington Orchestra. Siet 1998 weer he Liddmaat vun dat Quartett vun Dave Brubeck, mit dat he ok up Tournee gung un in de Carnegie Hall uptreden is. 2001 is he nah London torüchgahn. Tosommen mit sien Vader hett he denn de grootformatig "Generation Band" leit, mit dat he dree Alben makt hett. Ok mit Mose Allison, Clark Terry, Mel Tormé, Anita O'Day, Aster Aweke, Peter King, Guy Barker, Tina May, Bill Le Sage, Ken Peplowski, Tommy Smith, Jacqui Dankworth un Martin Taylor hett he speelt. 2002 hett he sien eegen Trio (mit Julian Argüelles un Phil Robson), ut dat 2006 da Quintett Spanish Accents entstand. 2008 is disse Grupp mit folgend Liddmaaten uptreden Alec Dankworth, Julian Arguelles, Christian Garrick, Phil Robson, Jean-Pierre Rasle, Marc Miralta, dorto keemen as Singerinnen Emily Dankworth un Cleo Laine.

He hett ok noch Upnahmen mit Buddy De Franco, John Williams, James Galway un dat London Symphony Orchestra makt.

Priesen un Utteknungen ännern

2007 kreeg he den British Jazz Award.

Diskographisch Henwiesen ännern

  • Generation Band: Rhythm Changes (1996)
  • If You're Passing By (2003)
  • Spanish Accents (2008)

Lexigraphisch Indrääg ännern

Weblenken ännern