Alun Ffred Jones

Alun Ffred Jones (* 29. Oktober 1949 in Brynaman) is en walis’schen Politiker un Maat vun Plaid Cymru. Jones weer 2003 bet 2007 Afornter in de Natschonaalversammeln vun Wales för den Wahlbezirk Caernarfon un siet 2007 för’n Wahlbezirk Arfon.

Alun Ffred Jones 2007

Jones is in Brynaman boren un hett op de Universität vun Wales in Bangor studeert. He hett ünner annern as Direkter un Produzent för Ffilmiau`r Nant arbeidt, hett Walis’sch-Ünnerricht geven un weer Journalist bi HTV.

Jones weer en Tied Baas vun’n Raat vun Gwynedd un is de Baas vun Antur Nantlle un vun’n Footballvereen Nantlle Vale Football Club. An’n 22. Juli 2008 is he as Kulturminister vun de Walis’sch Regeren insett worrn. He weer an’n 20. November 2008 de eerste Minsch, de bi en EU-Drepen (Drepen vun’n EU-Raat för Kultur) en Reed op Walis’sch hollen dröff.

Weblenken

• Websteed vun Alun Ffred Jones (walis’sch, engelsch)