Amtsgericht Beers

Dat Amtsgericht Beers weer en Amtsgericht in dat Königriek Hannover. Dat harr sien Seet op de Borg Beers in Beers.

Borg Beers, de ole Seet von dat Gericht

Överornt Gerichten

Dat Amtsgericht Beers weer dat Obergericht Leh överornt.

Geschicht

Mit dat hannöversche Gerichtsverfatensgesett von’n 8. November 1850, dat an’n 1. Oktober 1852 in Kraft gahn is, sünd Verwaltung un Justiz kumplett trennt worrn un de Amtsgerichten sünd as ünnerst Gerichten inricht worrn. Dat Amtsgericht Beers is dor denn blangen dat Amt Beers nee schapen worrn. De Grenzen von Amt un Amtsgerichtsbezirk weren desülven.

Dat Amtsgericht Beers is 1859 jüstso as dat Amt Beers oplööst worrn. Von 1859 af an weer dat Amtsgericht Leh för den Gerichtsbezirk von dat Amtsgericht Beers mit tostännig.

Amtsrichters

• 1852–1859: Ernst Wilhelm Prott

Kiek ook bi

• List von de Amtsgerichten in dat Königriek Hannover

Amtsgerichten in’n Obergerichtsbezirk Leh (1852–1859)

Beers | Beverst | Dorum | Hagen | Leh | Oterndörp