Arteria auricularis profunda

De Arteria auricularis profunda („deepe Ohrenslagader“) höört to de Slagadern vun’n Kopp bi’n Minschen. Se twiegt wiet vörn ut den eersten Afsnitt vun de Arteria maxillaris („Böverkeevslagader“) af un verlöpt in dat Geweev vun de Ohrenseverdrüüs na’t Ohr. Achter dat Keevlidd geiht se dör den Knorpel vun’n buteren Höörgang un versorgt de Huut vun’n den buteren Höörgang un de Butensiet vun’t Trummelfell mit Blood. Butendem löpt vun ehr en Twieg na’t Keevlidd.

De A. auricularis profunda twiegt as eerste vun de Böverkeevslagader af.

Literatur

• T.H. Schiebler (Rgv.): Anatomie. Springer, Heidelbarg 2005. ISBN 3-540-21966-8.