Beau Thompson
Beau Thompson (* 3. März 1989) is en kanaadsch Biathlet.
Beau Thompson nehm 2009 in Canmore an de Junioren-Weltmeesterschapen deel un wurr in' Eenzel 59. un in' Sprint 67. Tosommen mit Matt Neumann, Stuart Lodge un Joel Pacas keem he dorto up Platz 15 in dat Staffelrennen. An sülvig Stäe is he ok bi de Junioren-Wettkämpen vun de kanaadsch Meesterschapen 2010 antreeden un wunn dor den Titel in' Eenzel un in' Sprint, wurr achter Neumann Viezmeester in dat Verfolgungsrennen as ok mit Tana Chesham un Scott Gow as eerst Mannschap vun Alberta Dart in den Mixed-Staffelwettbewarf.
Bi de Manlüüd in' Leistungsberiek is Thompson siet de Saison 2010/11 dorbi. All bi sien eerst Rennen in' Biathlon-NorAm-Cup wurr he achter Robin Clegg un vör Jon Skinstad Tweet vun en Sprint in Canmore, bi dat folgen Verfolgungsrennen keem he up Platz dree, nahdem sück Joel Pacas tüschen hüm un Clegg schaven harr. Ok in Jericho keem he noch mal in en Verfolgungsrennen up den 3. Platz. Bi de kanaadsch Meesterschapen 2011 in Charlo wunn he mit Zina Kocher un Nathan Smith de Goldmedaille in dat Mixed-Staffelrennen.
Dornah is bi de IBU aber kien Rennen mehr uptekent.