Bendsdörper Möhl

De Bendsdörper Möhl is en Watermöhl an’n Bendsdörper Möhlenbeek in Bendsdörp, de as Koornmöhl bruukt worrn is. Se is as Bodenkmaal schuult un liggt in’n Oosten von’n Oort an de Landsstraat 213.

Historie

De Möhl is 1752 anleggt worrn un de Möhlenbeek, de in de Seev münnt, is to en Möhlenbeek opstaut worrn, de vondaag söven Morgen groot is.

De hüdige Watermöhl is 1886 von Wilhelm Bohlmann boot worrn. Later hett de Familie Peters den Hoff köfft.

Dat Hauptgebüüd von 1752 is 1942 afbrennt, de Möhl sülvs hett dor aver nix bi afkregen. De Möhl hett noch bet 1974 Koorn mahlt. Na disse Tied is de Möhl von 1982 af an blots noch för den Egenbedarf von de Bueree op’n Hoff bruukt worrn un hett ünner annern Peerfoder un Schroot för de Fisch in’n Möhlendiek maahlt. Waterrad un Mahltechnik sünd ok vondaag noch vörhannen. De Möhlendiek warrt nu as Angeldiek bruukt.

Dat Möhlenrad as Symbool för de Bendsdörper Möhl dükert vondaag ok in dat Wapen von de Gemeen Bendsdörp op.