De Blödenstiet beschrifft de Tiet, bit dat Blöden vun en Wunn to’n Stillstand kummt. Dat is ok en medizinschen Test, de anwennt warrt, üm Stören vun de primären Hämostaas, also dat Bloodstillen, fasttostellen.

Afloop ännern

Bi de Blödenstiet warrt de Tiet nahmen, bit dat en Blöden to’n Stillstand kummt. Dat gifft dorför verscheden Methoden:

Methood na Ivy ännern

De Blödenstiet na Ivy in de Modifikatschoon na Mielke is en Methood, de faken insett warrt. Dorbi warrt toeerst an’n Böverarm vun den Patienten en Blooddruckmanschett anleggt un op 40 mmHg (5,32 kPa) instellt. Dat is nödig, dat en Standarddruck in’t Geweev anliggt. Anners künn een dat nich verglieken. Denn warrt an en günstige Steed in’n Ünnerarm en lütten Snitt maakt. Dat utlopen Blood warrt all dörtig Sekunnen mit en sterilen Tipper oder Papeerdook wegmaakt, ahn dorbi de Wunn antoröhren. De Blödenstiet gellt as afslaten, wenn sik op den Tipper keen Rootklöör mehr nawiesen lett.

De Vergliekstiet för’n Normalfall liggt twüschen veer un söss Minuten.

Methood na Duke ännern

Bi disse Methood warrt mit en Lanzett in’n Rand vun’t Ohrläppken steken un dat Blood jüst as bi de vöhrige Methood mit Papier oder Zellstoff all 15 Sekunnen afnahmen[1]. Bi disse Methood liggt de Verglieksweert bi dree bit fief Minuuten.

Methood na Marx ännern

Bi disse Methood warrt mit de Lanzett in de Fingerbeer steken. De Finger warrt glieks dorna in en Kolbenglas duukt, dat mit Water vun 37°C füllt is. Dorna warrt de Tiet bit to’n sichtboren Stillstand vun’t Blöden meten. Hierbi liggt de Vergliekstiet bi hööchstens twee Minuuten.

Bedüden in de Diagnoos ännern

Bi lütte Sehren sorgt de Thrombus, de sik dör de Thrombozyten (Bloodplattken) billt, för’t Stillen vun’t Blöden. De Blödenstiet hangt dorüm vör allen vun de Tall vun de Thrombozyten in’t Blood af un vun jemehr Funkschoon.

De Blödenstiet warrt dorüm länger bi Thrombozytopenien – dat sünd Krankheiten, de to’n sietere Tall vun Thrombozyten (<100/nl) föhrt – as ok bi Thrombozytopathien, also Thrombozyten, de nich so arbeiten doot as vörsehn. En längere Tiet kann ok dör dat Willebrand-Jürgens-Syndrom oder dör’t Innehmen vun Stolltörnen Stoffen utlöst warrn.

Wietere möögliche Oorsaken vun en verännerte Blödenstiet sünd Urämie, Dysproteinämien un swore Hypo- bit Afibrinogenämien[2].

Vundaag warrt de Blödentstiet faken as Screeningtest bi Organpunkschonen maakt. Dat is aver nich nawiest, wo goot disse Weert wat över möögliche Kumplikatschonen utseggen deit.

Borns ännern

  1. http://helmut.hirner.at/physio/kap3/frag49/kleiner.html#blut
  2. http://www.laborlexikon.de/Lexikon/Infoframe/b/Blutungszeit.htm

Literatur ännern