Bluebugging
Bluebugging maakt för den verseerten Bruker vun en Mobiltelefon mööglich, up frömde Mobiltelefonen, de up disse Oort angrepen warrn künnt, (interne) Befehlen uttoföhren ahn dat de Teelperson dor wat vun wies warrt. Disse Angreepsoort up Mobiltelefonen mit bluetooth weer vun Martin Herfurt in’n März 2004 up de CeBIT in Hannober publik maakt. As anfällig gellt sünners Mobiltelefonen vun öllere Generatschonen.
Wenn de Angrieper keen extra Utrüsten hett, mutt he sik in’nen Ümkreis vun ca. 10 m vun dat Teelmobiltelefon befinnen. Mit Spezialutrüsten leätt sik disse Radius vergröttern. De Angrieper kann nu verscheeden Bruukmööglichkeiten vun dat Mobiltelefon bruken, to’n Bispeel dat Lesen und Verstüren vun SMS, anropen un mithören vun Telefonaten, dat Bearbeiden vun’t Adressbook or dat Verbinnen na’t Internett.