Bookholter Dreeeck

Dat Bookholter Dreeeck is en Autobahndreeeck in’n Noordoosten von Neddersassen (Gemenen Rosengoorn un Bookholt). Dat Dreeeck liggt an de Autobahn 1. De A 1 kummt von Westen un geiht in’n Oosten wieder. Na Noordoosten geiht de A 261 af. De A 261 büddt en Afkörten na de A 7.

Historie

Dat Dreeeck is tohoop mit de A 261 anleggt worrn, de in de Johren 1979 bet 1983 boot worrn is. Na öllere Plaans schull dor later en Autobahnkrüüz von warrn, wenn de A 261 na Süüdwesten wiederföhrt warrt. Düsse Plaans sünd opstunns aver opgeven.