Charles Shyer (* 11. Oktober 1941 in Los Angeles, Kalifornien) is en US-amerikaanschen Filmspeelbaas, Dreihbookschriever un Filmproduzent.

Leven un Wark ännern

Shyer is in dat Filmgewarf opwossen: Sien Vadder, Melville Shyer, hett mit D.W. Griffith tohopenarbeidt un weer een vun de Grünners vun de Directors Guild of America. Na sien Studium an de UCLA hett he beslaten en Utbilln to maken un keem so dorto, as Helpsmann vun’n Speelbaas to arbeiten. Man, he kreeg dat in’t Ohr, dat Schrieven antofangen un keem so dorto as Helpsmann vun de produzenten vun de Feernsehreeg The Odd Couple to arbeiten. Un so hett he denn för de Reeg schreven un weer denn ok de wichtigste Schriever dorvun.

Na The Odd Couple wessel he na’n Speelfilm un schreev 1977 för den Burt-Reynolds-Klassiker Smokey and the Bandit. Dat Johr dorop hett he mitschreven an Goin’ South vun un mit Jack Nicholson un kreeg 1978 ok sien eerste Nomineeren för en Filmpries för sien Dreihbook to House Calls.

Shyer stünn ünner den Indruck vun de groten Filmen ut de 1930er und 1940er Johren. He hett för sik en Eck in’t Filmgewarf funnen, de noch nich bedeent weer un möök en Reeg vun romantische Filmkummedien mit tietgenööss’sch sozialen Elementen, de dat in de Oort noch nich geven harr in Hollywood. He hett mehr as twintig Dreihböker schreven und weer Speelbaas bi mehr as teihn Filmen. To sien gröttsten Filmhits höört naamhaftig Filmen as Private Benjamin (1980), Irreconcilable Differences (1984), Baby Boom (1987), Father of the Bride (1991), The Parent Trap (1998) oder Alfie (2004).

Charles Shyer leevt in Los Angels. He hett 1980 sien Kollegsche Nancy Meyers heiraadt, mit de he veel tosamenarbeidt harr. Se hebbt tosamen twee Döchter, Annie Meyers-Shyer un Hallie Meyers-Shyer, de beid ok lütte Rullen in jemehr Filmen speelt hebbt. Man, in’t Johr 1999 hebbt se sik scheden laten. Shyer hett 2004 wedder heiraadt un is nu in de Eh mit Deborah Lynn. Ok mit ehr hett he twee Kinner.

Filmografie (Utwahl) ännern

Johr Titel Funkschoon
1971-75 The Odd Couple, Feernsehreeg
dt.: Männerwirtschaft
Dreihbook
Speelbaas
Produzent
1974 Happy Days Dreihbook
1977 Smokey and the Bandit
dt.: Ein ausgekochtes Schlitzohr
Dreihbook
1978 House Calls
dt.: Hausbesuche
Dreihbook
1978 Goin’ South
dt.: Der Galgenstrick
Dreihbook
1980 Private Benjamin
dt.: Schütze Benjamin
Dreihbook
Produzent
1984 Irreconcilable Differences
dt.: Triple Trouble
Dreihbook
Speelbaas
1987 Baby Boom
dt.: Baby Boom – Eine schöne Bescherung
Dreihbook
Speelbaas
1991 Father of the Bride
dt.: Vater der Braut
Dreihbook
Speelbaas
1992 Once Upon a Crime… Dreihbook
1994 I Love Trouble
dt.: Nichts als Ärger
Dreihbook
Speelbaas
1995 Father of the Bride Part II
dt.: Ein Geschenk des Himmels – Vater der Braut 2
Dreihbook
Speelbaas
1998 The Parent Trap
dt.: Ein Zwilling kommt selten allein
Dreihbook
Produzent
2001 The Affair of the Necklace
dt.: Das Halsband der Königin
Speelbaas
Produzent
2004 Alfie Dreihbook
Speelbaas
Produzent

Filmpriesen ännern

Charles Shyer weer för sien Arbeit veer mol för Filmpriesen nomineert, dorünner ok eenmol för den Oscar in de Kategorie Best Originaldreihbook för den Film Private Benjamin. Wunnen hett Shyer 1981 den WGA Award vun de Writers Guild of America för dat glieke Dreihbook.

Weblenken ännern