Cornelius Nepos (* 100 v. Chr. ? in Noorditalien[1]; † 25 v. Chr.?) weer en röömsch Autor. Sien Vörnaam is nich bekannt.

Cornelius Nepos

Warken ännern

Nepos weer een Polygraph, de Prosa un Gedichten schrieven deed.

Sien Chronica (Krönken), dree Boken över Schehnissen in de röömsch un greeksch Historie sünt verlaarn. Dor sünt Referenzen bi Catull[2], Ausoinius[3] un Gellius[4]. Catullus, de sien Gedichten Nepos todacht hett[5], schrifft: „Unus ausus es unus Italorum omne aevuum tribus explicare chartis doctis, Iuppiter, et laboriosis“ („Du alleen hest dörst, de heel Tied in dree Boken, full van Kultuur un Moit, uutoobreden“).

De Exempla (Bispälen) in fiev Boken - dat weren Anekdoten un Kuriositeten[6] - sünt liekwies ünnergaan un wi kennt jüm blots vanwegen dat anner antik Autoren in jümehr Warken dorvan snackt[7].

Delen sünt överlevert van sien Biografien De viris illustribus (Över beröhmt Manns). Elk Biografie is kort un vertellt van Leven un Daaden.

Bilang de Biographien sünt ok Delen överlevert uut een Breev, woorhaftig or fikschonaal schreven van Cornelia, Moder van de Gracchen, an een van ehr Söhns, Gaius Gracchus.

Dat he noch een Book över Cato schreven hett, vertellt Nepos sülven[8]. He stell ok en Biografie över Cicero tosamen[9]. En Uttog ut en Breef an Cicero is bi Laktanz överlevert[10]. Dat he ok Gedichten schreev, weet wi van Plinius minor, de Nepos mang de Poeten tellt[11].

Utgaven ännern

Mang anner Utgaven gifft dat:

Weblenken ännern

De Latiensch Text van Nepos sien Warken

Belegen ännern

  1. Plinius major, Naturalis Historia, III, 22 (127).
  2. Gedicht/Carmen I, 3
  3. Ausonius, epistula XI, 1 (ed. R. Peiper).
  4. Gellius, Noctes Atticae, XVII, 21 (3, 8, 24).
  5. 'Gedicht/Carmen I, 3.
  6. “M. Fuhrmann, Geschichte der römischen Literatur, Stuttgart, 2005, P. 245.
  7. Gellius, Noctes Atticae, VI, 18 (11); Charis. 1 p. 185,24 Barwick.
  8. Cato III, 5.
  9. Gellius, Noctes Atticae, XV, 28 (1 sq).
  10. Laktanz, Divinarum Institutionum Libri Septem, III, 5 (10).
  11. Plinius minor, Epistulae V, 3 (6).