Deins is en Oort un Gemeen in de Samtgemeen Sürsen in’n Landkreis Rodenborg (Wümm) mit 655 Inwahners (Stand 31. Dezember 2022). To de Gemeen höört ok de Oortsdeel Mals. Enkelte Öörd vun de Gemeen sünd Stüh, Löh, Rohr, Visoh un Hastenbeck.

Wapen/Flagg Koort

Wapen vun Deins

Deins
Laag vun Deins in Düütschland
Basisdaten
Bundsland: Neddersassen
Landkreis: Rodenborg (Wümm)
Samtgemeen: Sürsen
Flach: 20,2 km²
Inwahners: 655 (31. Dezember 2022)
Hööchd: 14 m över de See
Postleettall: 27446
Vörwahl: 04284, 04762
Geograafsche Laag:
Koordinaten:53° 25′ N, 9° 13′ O
53° 25′ N, 9° 13′ O
Grenzen bi OSM: 1079019 1079019
Gemeenslötel: 03 3 57 011
Öörd in de Gemeen: 2
Börgermeester: Klaus Schröder (WG Deins)
Websteed: www.selsingen.de/deinstedt.php
Koort
Kreis
Karte
BremenHamburgSleswig-HolsteenLandkreis CuxhobenLandkreis DeefholtLandkreis HorborgLandkreis OosterholtLandkreis StoodLandkreis HeidkreisLandkreis VeernAhusenAlfs (Landkreis Rodenborg)AnnerlingenBasdaalGemeen RodenborgGemeen BoitzenBothelBreddörpGemeen BremervöörBrookelBülsDeinsEversdörpGemeen ElsdörpFarm (Landkreis Rodenborg)FintelGemeen GnarrenborgGroot MeckelsJeemHomersenHomersenHassendörpGemeen HeeßelHellweegHelschHeemsbünnenHemslingenHepstHipstHorßHorßKalf (Neddersassen)KarktimkKarkwalsLütt MeckelsLauenbrüchZittensLengenbosselÖrelOostereisReeßenRhaarGemeen RodenborgSandbosselGemeen ScheeßlSeedörp (Neddersassen)Gemeen SürsenZittensZittensSöttmerStemmen (Neddersassen)TarmsTissTissVahl (Landkreis Rodenborg)Vahl (Landkreis Rodenborg)VierdenGemeen VisselhöövdGemeen VörwarkWestertimkWesterwalsWilstWoonstGemeen Zeven
Deins in’n Landkreis Rodenborg (Koort lett sik anklicken)

Geografie ännern

De Gemeen Deins liggt in’n Noordööstlichen Deel vun’n Landkreis un grenzt in’n Noordwesten an de Eenheitsgemeen Bremervöör. Na de annern Sieten leegt wietere Gemeen vun de Samtgemeen Sürsen: In’n Noordoosten slutt sik Farm an, na Süüdoosten to liggt Annerlingen un in’n Süüdwesten Sürsen.

Dör den nöördlichen Deel vun de Gemeen un dorbi ok dör den Oortsdeel Mals verlöpt de lütte Stroom Bever.

Geologie ännern

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie ännern

De Oort Deins weer 1148 to’n eersten mol in en Oorkunnen betüügt, as de Arzbischop Ditmar vun Veern dat Veerner Doomkapitel den Teihnten in Deynstede schenken de. Dat warrt vermoodt, dat de Naam Deins op den Nanaam Deinhart (Degenhart) torüchgeiht. Bi en Brandkatastrooph 1714 is de Oort bit op een Huus vullstännig daalbrennt. 1911 is dat en tweet mol to en Grootbrand kamen, bi dat dat hele Dörp afbrennt is. Dat Füer is jüst in dat Huus utbroken, dat 1714 es eenzig verschoont bleven weer.

Buten vun Deins is ut en enkelten Hoff de Oort Rohr tostannen kamen. Blangen den Rohr an’n ollen Farvener-Sürsener Karkenweg liggt de Rugenbarg, woneem dat fröher de sagenhafte Hexenkuhl geven hett. Üm 1820 is an’n Deilweg, ’n Mischwoold, Visoh entstahn. En ne’ere Wahnsteed is Löh an de Straat na’n ehmoligen Deinser Bahnhoff to.

De Naam Mals is 1132 to’n eersten mol in en Oorkunn opduukt – ’n beten eher as Deins. To de Möhl, de an de Bever steiht, hebbt üm 1500 fief Höff töhöört, wo vun veer to dat Klooster St. Georg rekent weern. Mals is 1974 in’n Rahmen vun de Rebeetsreform na Deins ingemeent worrn. De Gemeen Deins weer von 1967 bet 1974 Deel von de Samtgemeen Sürsen. De is 1974 oplööst worrn un dor is de ne’e un gröttere Samtgemeen Sürsen billt worrn, to de de Oort sietdem tohöört.

Religion ännern

Deins is evangeelsch-luthersch präägt un höört to dat Kaspel von de Lamberti-Kark in Sürsen.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Politik ännern

Gemeenraat ännern

De Gemeenraat vun Deins hett negen Liddmaten. Siet de Kommunalwahl 2011 sett de sik as folgt tosamen:

Partei 2016 2011 2006
WG Deins 5 5 5
WG Mals 4 4 4

Börgermeester ännern

Börgermeester vun Deins is Klaus Schröder vun de WG Deins. Em staht to Viez-Börgermeesters to Seit. De eerste Viez is Beate Hildebrand-Tietjen vun de WG Mals, de tweete is Henry Oerding vun de WG Deins.

Wapen ännern

Dat Wapen vun Deins is blau un wiest dorop baven den Spiralhakenversluss vun en Halsring. Dorünner is en golden Möhlenrad dorstellt, dat veer Speken opwiest. De Verluss is en Henwies op en Fund ut de Bronzetiet, de 1938 in’t Rebeet vun de Gemeen maakt worrn is. Dat Möhlenrad betütt sik op de olle Möhl vun Mals, de al in’t Johr 1132 as Besitt vun’t Klooster St. Gerog to Stood nöömt worrn is.

Verkehr ännern

Dör de Gemeen verlööpt de Bahnlien Bremervöör-Wasra, de vundaag blots noch vun de Iesenbahnen un Verkehrsbedrieven Elv-Werser GmbH (EVB) in’n Göderverkehr bedreven warrt. Vun den ehmoligen Bahnhoff tüügt noch Resten an de B 71. De Personenverkehr is al 1969 opgeven worrn.

Över de B 71, de vun Bremervöör över Sürsen wieter na Zeven föhrt, is Deins goot an dat Stratennett anslaten. De beiden Oortsdelen Deins un Mals sünd över de K 108 verbunnen, de bi Deins in de B 71 münnt un nöördlich vun Mals wieter na Byhusen föhrt. Vun ehr twiegt in Mals butendem de K 122 af, de na Farven verlöpt. Un vun de K 122 twiegt kort achter Mals noch de K 118 af, de na Ohrel föhrt.

Weblenken ännern

  Deins. Mehr Biller, Videos oder Audiodateien to’t Thema gifft dat bi Wikimedia Commons.