Dellnwort
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21763 | |
| Vörwahl: | 04751 | |
| Geograafsche Laag: | Koordinaten:53° 47′ N, 8° 51′ O53° 47′ N, 8° 51′ O | |
|
| ||
Dellnwort (hoochdüütsch Dörringworth) is en lütten Oort in de Gemeen Neenkarken (Samtgemeen Land Hadeln) in’n Landkreis Cuxhoben, Neddersassen.
De Hoff Döscher in’n Oostergehrendeel von de Lee tellt ok to Dellnwort.
Geografie ännern
De Oort liggt in Land Hadeln in de Masch von de Ünnerelv. Dat Water ut dat Rebeed flütt över de Dellnworter Waterlöös na de Mehm hen af.
De Naveröörd sünd Süderwisch un Smeelweg in’n Noorden, Oterndörp un de Hoff Katthusen in’n Noordoosten, Katthüserdeel in’n Oosten, Höden, Neenkarken un Höörfelln in’n Süüdoosten, de Lee in’n Süüdwesten, dat Oosterenn von de Worth in’n Westen un dat Oosterenn von Olenbrook in’n Noordwesten.
Historie ännern
De Oort kummt 1139 as Turneworthe toeerst in de Oorkunnen vör. Dellnwort weer över lange Tied en Deelgericht von dat Patrimonialgericht von Good Wellingsbüttel.
Verwaltungsgeschicht ännern
De Oort hett vör 1852 to dat Kaspelsgericht Neenkarken in dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De Oort höört al von öllers bi de Gemeen Neenkarken mit bi.
Inwahnertall ännern
| Johr | Inwahners |
|---|---|
| 1791[1] | 14 Füürsteden |
| 1824[2] | 14 Füürsteden |
| 1848[3] | 103 Lüüd, 12 Hüüs |
| 1. Dezember 1871[4] | 82 Lüüd, 12 Hüüs |
| 1. Dezember 1885[5] | 87 Lüüd, 13 Hüüs |
Religion ännern
Dellnwort is evangeelsch-luthersch präägt un höört to dat Kaspel von de Marien-Kark in Neenkarken.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur ännern
För Dellnwort is de freewillige Füürwehr Neenkarken mit tostännig.
Verkehr ännern
Dör Dellnwort löppt de Kreisstraat 9, de in’n Westen na de Worth geiht un in’n Oosten an de Landsstraat 118 ran. Von de K 9 geiht na Noorden de K 11 af, de an de Bundsstraat 73 ran föhrt. De B 73 löppt in’n Noordwesten över Olenbrook na Cuxhoben un in’n Süüdoosten över Oterndörp, Neehuus, Kumbarg un Hemmoor na Stood. De L 118 föhrt in’n Noorden na Oterndörp un in’n Süüdwesten över de Lee, Oosterwannen, Westerwannen un Niewohl na Debst.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so twölv Kilometer in’n Noordwesten von Dellnwort an de B 73.
De nächste Bahnhoff is so bi fiev Kilometer wied weg in’n Noordoosten de Bahnhoff Oterndörp an de Nedderelvbahn von Cuxhoben na Hamborg.
Scholen ännern
De Kinner ut Dellnwort gaht na de Hinnerk-Willem-Kopp-School in Neenkarken. Dor sünd se ok fröher al jümmer na de Volksschool hengahn.
Literatur ännern
- Martin Lenz: Das Patrimonialgericht Wellingbüttel und das Teilgericht Dörringworth. Dokterarbeid, Göttingen 1963
Footnoten ännern
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 58
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 138
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 156
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 149
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 158