Ellen Foley
Ellen Foley (* 5. Juni 1951 in St. Louis, Missouri) is en US-amerikaansch Singerin un Schauspelerin.
Musikkarriere ännern
Foley harr glieks mit hör Debütalbum „Nightout“ 1979 hörr gröttsten muskaalschen Soloerfolg. De Musik erinner stark an de klassisch Pop- un Rockmusik vun de Girl-Groups ut de 1960er Johren, vör allen an Phil Spectors Wall of Sound. De Platt wurr vun Ian Hunter un Mick Ronson produzeert. Hör folgend Soloalben weern „Spirit of St. Louis“ (1981) un „Another Breath“ (1983).
Hör gröttsten Spood harr se aber bi de Tosommenarbeid mit anner Musiker. Se weer Meat Loafs Kontrapart bi dat Duett „Paradise by the Dashboard Light“ (1977) vun dat Album Bat out of Hell. Later henn sung se ok up Joe Jacksons Album „Body and Soul“ (1980). Up dat Album „Sandinista!“ vun The Clash sung se dat Duett „Hitsville UK“. De Musikgrupp revancheer sück un hebbt un hett bi hör Soloalbum „Spirit of St. Louis“ mitwarkt. Mick Jones un Joe Strummer hebbt ok an en paar Leder vun dat Album mitschreben. Ut disse woll nich immer riebungsfree aber liekers kreativ Tosommenarbeit keem nahderhenn de Hit „Should I Stay or Should I Go“ vun The Clash tostannen. Mit den Schriever un Singer vun dat Leed, Mick Jones, harr Elen Foley denn ok woll en Affäre.
1989 hörr se to de Liddmaten vun de vun Jim Steinman formeerten "Bombastrock"-Band Pandora's Box, de blots ut Fruen bestahn de.
Schauspelerkarriere ännern
Foley is faken in Broadway-Produktschonen uptreden, so in „Me and My Girl“ un de Neeuplaag vun „Hair“. Dorto kummt de Off-Broadway-Produktschon in „Beehive“. In Stephen Sondheim's „Into the Woods“ an dat Old Globe Theater in San Diego kreeg se toeerst de Rull vun de Hex, wurr aber dör Bernadette Peters ersett, bevör das Stück nah New York keem.
Foleys bekanntst Arbeit is de as Plichtverteedigerin Billy Young in de Sitcom Night Court, de se 1984/85 för en Staffel speelt hett. Dornah wurr se vun Markie Post ersett, de de Produzenten vun Anfang an hemm wullen, de aver wegen annere Verdragsplichten nich mitmaken kunn. Dorneven is Foley in en paar Filmen vun Miloš Forman uptreden, ok wenn dat lütte aver sünnere Rullen weern. So speel se in de Verfilmung vun Hair mit, aver ok in annere Films ünner annere Speelbasen, so as in Cocktail, Fatal Attraction un Married to the Mob.
Privatleven ännern
Ellen Foley is mit den Schriever Doug Bernstein verheiraadt, mit de se in Manhattan leevt.
Filmografie (Utwahl) ännern
| Johr | Titel | Synchroonsnacker |
|---|---|---|
| 1982 | Tootsie | |
| 1984-85 | Night Court, Feernsehreeg dt.. Harrys wundersames Strafgericht |
|
| 1987 | Fatal Attraction dt.. Eine verhängnisvolle Affäre |
|
| 1988 | Cocktail | Karin Grüger |
| 1988 | Married to the Mob dt.. Die Mafiosi-Braut |
|
| 1990 | Murder in Black and White, Feernsehn dt.. Mord in schwarz/weiß |
|
| 2014 | Lies I Told My Little Sister | |
| 2016 | No Pay, Nudity |