De Flagg vun Manitoba is en Variatschoon vun de Kanaadsch Red Ensign, de fröhere Natschonaalflagg vun Kanada. Se wiest de britsch Union Flag in de Gösch as ok dat Wappen vun Manitoba (Georgskrüüz un Büffel) in de Floogdeel.

Flagg vun Manitoba
Flagg vun Manitoba

1869/70 weern de Métis-Rebellen ünner Louis Riel de eersten, de en eegen Flagg för dat Rebeet vun Manitoba bruukt hemm. Dorup weer up witten Grund en Kombinatschoon ut Fleur de lys un Shamrock afbildt. Nahdem de Red-River-Rebellion daalslahn weer, deen de Union Flag as offiziell Provinzflagg.

Nahdem sück dat Bundsparlament 1964 för en nee Natschonalflagg utspraken harr, hett de Legislativersammlung vun Manitoba am 11. Mai 1965 beslooten, de licht afännert Red Ensign as Provinzflagg intoführen, dormit de old Natschonalflagg nich in Vergetenheit keem. Königin Elisabeth II. geev hör Tostimmung in‘ Oktober 1965 un an‘ 12. Mai 1966 wurr de nee Flagg eerstmals hisst.

Weblenken ännern