Football-Weltmeesterschop 2006
De Endrunn vun de 18. Football-Weltmeesterschop vun de Mannslüde (offiziell: 2006 FIFA World Cup Germany) is vun'n 9. Juni bit to'n 9. Juli 2006 in Düütschland utspeelt wurrn. Dor sünd 32 Football-Natschonalmannschoppen gegen'anner antreden. Toeerst hefft se in Gruppen speelt, man in de Finalrunn is denn jummers de Mannschop, de verlaren hett, utscheedt.
De italieensche Mannschop is dor Football-Weltmeester bi wurrn. Se hett in dat Endpeel na Ölbenmeterscheten gegen de franzöösche Mannschop wunnen un is dor to'n veerten Mol mit Weltmeester wurrn. Vördem harrn se dat al 1934, 1938 un 1982 schafft. Den drüdden Platz hett de düütsche Mannschop hoolt. Miroslav Klose hett mit fiev Doren bi dat Turnier ok an'n meisten in't Nett drapen.
Uruguay 1930 | Italien 1934 | Frankriek 1938 | 1942 | Brasilien 1950 | Swiez 1954 | Sweden 1958 | Chile 1962 | England 1966 | Mexiko 1970 | Düütschland 1974 | Argentinien | Spanien 1982 | Mexiko 1986 | Italien 1990 | USA 1994 | Frankriek 1998 | Süüdkorea/Japan 2002 | Düütschland 2006 | Süüdafrika 2010 | Brasilien 2014 | Russland 2018 |