Grachan Moncur III
Grachan Moncur III. (* 3. Juni 1937 in New York City; † 3. Juni 2022 in Newark, New Jersey[1]) weer en US-amerikaansch Jazzbasuunist.
Biographie ännern
Moncur is in Newark in en musikalischen Familie upwussen. Sien Vader Grachan Moncur II weer ebenfalls Jazzmusiker. Grachan III. studeer an der Manhattan School of Music un an de Juilliard School Musik. Während sien Studium hett he in de Jazzafdeelen vun dat Plattenlabel ABC-Paramount arbeit. Tüschen 1961 un 1963 weer he Liddmaat vun de Band vun Ray Charles un nehm mit Art Farmer un Benny Golson up. Ansluutend leet he sück in New York daal, um mit Jackie McLean, Herbie Hancock un Sonny Rollins as ok mit eegen Band (u. a. mit Bobby Hutcherson un Tony Williams) freen Jazz, de aber düüdlich an sien Vörbild J. J. Johnson orienteert is, to spelen. Mit letzteren beid as ok Jackie McLean un Lee Morgan speel he an‘ 21. November 1963 för Blue Note Records Evolution as eerst Album ünner eegen Naam ein. Kört tovör weer he an McLean sien Album Destination… Out! maatgevend bedeeligt. En tweet Album, Some Other Stuff, keem 1964 herut. Ansluutend (1967 bis 1969) weer he Liddmaat vun de Gruppen vun Archie Shepp, mit de he ünner annern dat Album The Way Ahead upnehm un as Komponist arbeiten dee, speel aber ok in de 360 Degree Music Experience vun den Slagtüüchspeler Beaver Harris, mit Marion Brown un mit Dave Burrell. Mit dat Jazz Composer’s Orchestra nehm he 1974 de Plaat Echos of Prayer up.
Ansluutend hett he in Newark as Lehrer arbeit un speel dor mit den Organisten John Patton. Wiedere Upnahmen entstunnen mit Frank Lowe, Butch Morris, Khan Jamal, Sunny Murray, William Parker un mit Cassandra Wilson. 1986 weer he mit de Paris Reunion Band up Europatournee. 2004 hett he en Album Exploration mit en Oktett, to dat Tim Hagans un Gary Bartz hörrn deen, maakt.
Diskographisch Henwiesen ännern
- Evolution (Blue Note, 1963)
- Some Other Stuff (Blue Note, 1964)
- New Africa (BYG Actuel, 1969)
- Aco Dei de Madrugada (One Morning I Waked Up Very Early) (BYG Actuel, 1969)
- Echoes of Prayer (JCOA, 1974)
- Shadows (Denon, 1977)
- Exploration (Capri, 2004)
- Inner Cry Blues (Lunar Module, 2007)