De Groep fan Auwerk (Köppel vun Auerk) is en Organisatschoon vun natschoonaale Fresen för heel Freesland. De Grupp warkt in de Maneer vun en alternative Akschoonsgrupp.

De Groep fan Auwerk ehr Vörslag för en Fresenflagg

Historie un politisch Wark ännern

De Groep fan Auwerk worr 2003 grünnt. De Wutteln vun de Grupp sünd bi Fresen in de Nedderlannen. De Grupp hett sik Auerk as Symbool utsöcht, ümdat daar fröer de Upstalsboom (Dingstee vun de frigen freesken Seelannen) was. De Grupp will, dat dat Fresendum as egen Natschonalität neven de nedderlannsche un de dütske Staatsbörgerskupp estemeert warrd. 2005 hett de Grupp in de nedderlannsche Provinz Freesland en Andrag upp freeske Staatsbörgerskupp stellt. Bi en Aktion worrn Euro-Afteken an de Kaars in FRL för Freesland ännert. In Neddersassen bestait De Group vun Auwerk upp de Ünnerscheed tüsken Fresen un Sassen in Neddersassen un will Schillers vun dat "Land Niedersachsen" in "Oost-Fryslond" ännern laten (so bi en Aktion an de Autobaan bi Bunde).

Freesk Flagg ännern

De Groep fan Auwerk hett 2006 en egen freesk Flagg (interfreesk Flagg) för heel Freesland vörslaan (in de Aart vun de Noordlandflagg för all Plattdüütschen tohoop). De Flagg is en skandinaavsch Krüüz met Klören vun de männi Freeslannen un Seerosenbläders vun de Flagg vun de westfreeske Provinz Fryslan.

Weblenk ännern