Gruppetto (Radsport)

As Gruppetto (italieensch för "Grüppchen") oder l'Autobus (franzöösch) betekend man in’ Radsport bi langere Rundfohrten en Grupp vun Fohrers, de sück för den letzten Ansteeg vun en Etappe an’ Enn’ vun dat Fohrerfeld bild. Bi disse Fohrers hannelt sück dat um torüchfallend Helpers, Sprintspezialisten un annern, de vun de vörhergahnd Anstiegen un Mannschopsupgaven torüchsmeeten wurrn un de denn uppassen mooten, dat se binnerhalv vun dat Tietlimit blievt. Blievt se nich in dat Tietlimit, wurrd se vun de Rundfohrt utslooten.

Binnerhalv vun dat Gruppetto is dat begäng, dat en vun de erfohren Profis dat Tempo vörgifft. Disse Fohrers hebbt en Geföhl dorför, rechttietig vör dat Tietlimit in’t Ziel to kommen. Todem blievt de Fohrers in en Gruppetto tosommen, wiel en grooten Grupp, de nah de Karenztiet in’t Ziel kummt, fakener begnadigt un nich ut dat Rennen rutnommen wurrd, as en enkelten Fohrer. Bi de Tour de France kann dat Tietlimit ahn Nennung vun Gründen (z. B. widrigen Weerbedingungen) vun de Jury wieter makt wurrn, wenn mehr as 20 % vun de Fohrers dat Ziel nich in de vörsehn Tiet erreichen.

In’ Tegensatz to de Spitzengrupp gifft dat in en Gruppetto en bannig grooten Solidarität. Man helpt sück mit Eeten, Drinkbuddels, Ersatzdeelen un Kleedasch teamövergriepend ut, wiel dat gemeensam Ankommen in’ Vördergrund steiht.

Weblenken ännern