Gunnar Gunnarsson (* 18. Mai 1889 in Fljótsdal; † 21. November 1975) weer en ieslandschen Schriever. Sien Böker hett he aver op Däänsch schreven.

Gunnar Gunnarsson

Gunnar is 1889 as Söhn vun en armen Buurn op Valþjófsstað in Fljótsdal boren un dor ok opwussen. He hett sien Moder fröh verloren un weer ok blot op Volksschool. Eerst mit 18 güng he denn noch twee Johr op de Volkshoochschool in Askov. 1912 keem sien eersten Roman rut, Af Borgslægtens Historie. In datsülve Johr hett he ok sien Fro, Franzisca Antonia Josephine Jørgensen, heiraadt. 1913 un 1914 kemen de twete un drüdde Deel rut un mit’n drüdden Deel harr he sik den al en Naam maakt un sien Book verköff sik in Däänmark temlich good. Dat Book, dat alltohoop veer Delen hett, hannelt vun dree Gneratschonen vun en ieslandsche Familie un vun twee Bröder. De ene mutt sik entscheiden twischen sien kreative Intressen un Drööm un sien Plichten in de Familie. De annere schient en bösen Chrakter to hebben, kummt aver in’n drüdden Deel dör Deenst an annere geläutert trüch. Mit dit Book harr he sik glieks as Schriever etableert. De Eerste Weltkrieg hett veel Pessimismus in sien Schrieveree rinbröcht. Vun 1920 bet 1940 hett he veel över polietsche un soziale Saken schreven un över dat Tohoopwarken vun de nordischen Länner. He weer veel in Däänmark un ok in Düütschland ünerwegens un hett över de nordischen Länner dozeert. 1939 keem he na Iesland trüch un hett sik in Skriðuklaustur en Huus boot. 1948 is he na Reykjavík tagen un Gunnar hett dat Huus in Skriðuklaustur den ieslandschen Staat schenkt. In dat Huus sitt nu dat Gunnarsson-Institut. In Reykjavík hett he anfungen, sien egen Böker in’t Ieslandsche to översetten. 1975 is he doodbleven. He is tohoop mit sien Fro, de een Johr na em doodbleven is, op Viðey begraven.

Warken ännern

  • Digte. (1911)
  • Ormarr Ørlygsson. Af Borgslægtens Historie. (1912)
  • Gæst den enøjede. Af Borgslægtens Historie. (1913)
  • Den danske frue på Hof. Af Borgslægtens Historie. (1913)
  • Den unge Ørn. Af Borgslægtens Historie. (1914)
  • Livets Strand. (1915)
  • Varg i Veum. (1916)
  • Drengen. (1917)
  • Små Skuespil. (1917)
  • Små Historier. (1918)
  • Edbrødre. (1918)
  • Salige er de enfoldige. (1920)
  • Ringen. (1921)
  • Dyret med glorien. (1922)
  • Små historier. (1922)
  • Den glade gård. (1923)
  • Leg med strå. (1923)
  • Skibe på himlen. (1925)
  • Natten og drømmen. (1926)
  • Det nordiske rige. (1927)
  • Den uerfarne rejsende. (1927)
  • Hugleik den hårdtseljende. (1928)
  • Svartfugl. (1929)
  • Island. (1929)
  • En dag tilovers. (1929)
  • Jón Arason. (1930)
  • Rævepelsene. (1930)
  • Verdens Glæder. (1931)
  • Vikivaki. (1932)
  • De blindes Hus. (1933)
  • Jord. (1933)
  • Hvide-Krist. (1934)
  • Sagaøen. (1935)
  • Gråmand. (1936)
  • Advent. (1937)
  • Trylle og andet Smaakram. (1939)
  • Brandur på Bjarg. (1942)
  • Sjælemesse. (1953)
  • Sonate ved havet. (1955)