De Heda weer en 25 m langen Schoner mit twee Masten un mit en Verdrängung von 100 Tunnen, den Jewfimi Putjatin siene Kru tohoop mit 300 japaansche Timmerlüüd boot hebbt.

de Schoner Heda
een von de Kimisawagata-Scheep, de de Japaners mit de afkeken Techniken boot hebbt

Putjatin weer von Russland ut mit de Fregatt Diana op sien twete Japan-Expedition loosföhrt un schull en Hannelsverdrag mit de Japaners uthanneln (de Verdrag von Shimoda, de an’n 7. Februar 1855 tostann keem). He keem in’n Oktober 1854 in Shimoda an. De Diana hett denn aver bi den Tsunami na dat Ansei-Tōkai-Eerdbeven an’n 23. Dezember 1854 sworen Schaden afkregen un is op’n Weg na Heda na de Warft in en Storm ünnergahn.

Mit de Hülp von de Japaners müssen se en neet Schipp boon, dat se wedder trügg na Russland kunnen. Dat keem de Japaners ok good topass, denn so kunnen se von de Europäers wat von de Schippbotechniken aflehren.

De Heda deed denn an’n 10. Mai 1855 von’n Stapel lopen.

De Japaners hebbt dorna denn mit de aflehrten Techniken söss Scheep von de Kimisawagata-Klass, veer von de Toyoshimagata-Klass un söss von de Nirayamagata-Klass boot.