De Heliand is en groot Epos in ooltsassische Spraak. Dat vertellt vun dat Leven vun Jesus Christus un hett so bi 6.000 Regen in Staavriems. Dat is so üm dat Johr 830 schreven worrn vun en Mönk ut dat Ümfeld vun dat Klooster Fulda. De Tiet is nich genau bekannt, man in dat Vörwoort (praefation) steiht, dat Ludwig de Fromme den Opdrag geven hett, de vun 814 bet 840 König vun de Franken weer. Dat is blangen de ooltsass’sche Genesis dat eenzige grote Wark ut de ole Sassentiet. All beid hebbt disse Warken de Opgaav hatt, de heidnischen Sassen to dat Christendom to bekehren.

Fragment von Berlin

Uns sünd hüüt twee meist vullstännige Handschriften vun den Heliand nableven, de een in de Bayrische Staatsbibliothek in München, de annere in de Britische Bibliothek in London. Lüttjere Delen gifft dat in Berlin, den Vatikan, Straubing un Leipzig.

Weblenken ännern

  Bi’n Wikiborn gifft dat den Originaltext vun dat Wark: Heliand.