Henry Warren Hartsfield
Henry Warren „Hank“ Hartsfield, Jr. (* 21. November 1933 in Birmingham, Alabama; † 17. Juli 2014 in League City, Texas) weer en US-amerikaansch Astronaut.
Leven ännern
Hartsfield hett de West End High School in Birmingham (Alabama) besöcht. 1954 kreeg he en Bachelor in Physik vun de Auburn University. Later kreeg he en Afsluss in Physik vun de Duke University un en Afsluss in Ruumfohrttechnik vun dat Air Force Institute of Technology. 1971 kreeg he en Master in Ingenieurwesen vun de University of Tennessee.
1955 is Hartsfield in de United States Air Force intreeden. Wiels disse Tiet weer he ünner annern up de US-Luftwappenbasis in Bitburg in Düütschland statschoneert. Later wurr he up de Edwards Air Force Base to’n Testpiloten utbilld un weer later sülvst dor Utbiller.
Astronautentätigkeit ännern
1966 wurr Hartsfield vun de Air Force as Astronaut för dat militärische Ruumstatschonsprojekt Manned Orbiting Laboratory (MOL) utwählt. Dat Programm wurr aber instellt un eenige vun disse Astronauten, ünner annern Hartsfield, wurrn vun de NASA övernommen.
Dor weer he tonächst Liddmaat vun de Ünnerstüttensmannschapen för de Maandmission Apollo 16 un för all bemannt Missionen to de Skylab-Ruumstatschoon.
STS-4 ännern
Nahdem he för de Space-Shuttle-Missionen STS-2 un STS-3 blots as Ersatzpilot insett weer, is Hartsfield an‘n 27. Juni 1982 as Pilot vun de Ruumfähre Columbia to’n eersten Mal sülvst in’t All flagen. Up dissen veerten un letzten Testfloog vun de Columbia wurr he vun Kommandant Thomas Mattingly begleit. Teel vun disse Mission, de över 7 Daag gung, weern wiedere Tests to den Start un Wedderinträe vun de Ruumfähre as ok wiedere Studien vun thermalen Langtiettests vun den Orbiter. Buterdem wurr mit den Roboterarm vun den dat kistenförmige IECM-Experiment (Induced Environment Contamination Monitor) ut den Frachtruum haben. Neben en geheimen Ladung för dat US-Verteidigungsministerium weer de eerste aktive GAS-Behälter (GetAway Special) an Bord, de mit negen Experimente bestückt weer. De beid Astronauten hemm todem medizinische Experimente an sück sülvst dörführt un hemm dat Antrecken vun de Ruumantüüg för Butenbordinsätze bi tokünftig Shuttle-Missionen öövt.
STS-41-D ännern
Hartsfield weer de Kommandant vun de Ruumfähre Discovery up deren Jumfernfloog an’n 30. August 1984. Mit Utnahm vun hüm weern de anner fiev Besattensliddmaaten (Pilot Michael Lloyd Coats un de Missionsspezialisten Judith Arlene Resnik, Steven Alan Hawley, Richard Michael Mullane un de Bruuklastspezialist Charles David Walker all to’n eersten Mal in’t All. Wiels de söss Daag lang düern Mission wurrn de dree Satelliten SBS-D, SYNCOM IV-2 (ok bekannt as LEASAT 2) un Telstar 3-C utsett. Buterdem wurrn dat OAST-1-Solarzellenexperiment un das Experiment CFES-III to dat Utforschen vun dat Kristallwasdom dörführt. Dorneben wurrn ok Upnahmen mit en mitführt IMAX-Kamera maakt.
STS-61-A ännern
Bi de düütsch Spacelab-Mission D-1 weerr Hartsfield Kommandant vun den letzten spoodrieken Challenger-Floog. An‘n 30. Oktober 1985 floog de mit acht Personen grööttste Besatten vun en eenzelt Ruumschipp överhoopt in’t All. Pilot weer [[Steven Ray Nagel], de Missionsspezialisten weern James Frederick Buchli, Guion Stewart Bluford un Bonnie Jeanne Dunbar]. Dorto keemen de Bruuklastspezialisten Reinhard Furrer un Ernst Messerschmid ut Düütschland as ok Wubbo Ockels ut den Nedderlannen. Bi disse söben Daag düern Mission wurrn 75 Experimente ut de Berieken Medizin, Materialwetenschapen, Biologie un Navigatschoon dörführt. Tosätzlich wurr de Satellit GLOMR (Global Low Orbiting Message Relay) utsett.
Wiedere NASA-Karriere ännern
Van 1986 bit 1987 weer Hartsfield stellvertreden Baas vun dat Astronautenbüro un wurr 1987 stellvertreden Direkter vun de Flight Crew Operations. 1989 weer he för en körten Tiet för dat „Office of Space Flight“ in dat NASA-Hööftquartier tätig un 1990 hett he in dat Projektbüro för de Ruumstatschoon an dat Marshall Space Flight Center arbeit. 1991 gung he an dat Johnson Space Center torüch un hett dor in dat Programm för de intüschen „Freedom“ nöömt Ruumstatschoon arbeit.
Nah de NASA ännern
Nah sien Utscheeden bi de NASA (1998) gung he as Viezpräsident van de Aerospace Engineering Services to Raytheon Technical Services nah Houston.
Ehrungen ännern
Henry Hartsfield wurr in de Astronaut Hall of Fame upnommen.
Privates ännern
Henry Hartsfield un sien Ehefru Judy harrn twee Döchter. Sien Dochter Keely (* 1959), de ebenfalls för de NASA arbeiten dee, is all in’n März 2014, in dat Öller vun 54 Johren storven.[1] Hartsfield sülvst is in dat Öller vun 80 Johren an‘n 17. Juli 2014 an den Folgen vun en chirurgischen Ingeep an sien Rügg storven.[2]
Weblinks ännern
- Henry Hartsfield bi spacefacts.de
- NASA-Biographie
- Indrag to Henry Hartsfield bi astronautics.com
- Bruce Weber: Henry Hartsfield Jr. Is Dead at 80; Flew, With Fortune, on 3 Shuttles. Nahroop in The New York Times van’n 22. Juli 2014 (engelsch)