Hues Corporation
Hues Corporation weer en US-amerikaansch Pop- un Soul-Trio, dat Midden vun 1970er Johren internatschonalen Spood harr. Liddmaaten weern Hubert Ann Kelley (* 24. April 1947 in Fairchild, Alabama), St. Clair Lee (* 24. April 1944 as Bernard St. Clair Lee Calhoun Henderson in San Francisco,† 8. März 2011) un Karl Russel (* 10. April 1947 in Columbus (Ohio)).
Hör 1974er Hit Rock the Boat weer en Welthit un Millionenseller to Anfang vun de Disco-Ära un hörr neben Love's Theme (Love Unlimited Orchestra) un The Sound Of Philadelphia (TSOP) (MFSB) to de eerst Nummer-1Hits vun de Disco-Ära[1][2][3][4]
De Grupp hett noch veer anner Singles rutbrocht, de ok ünner de Top-100 in de USA keemen: Freedom for the Stallion (1973, Platz 63), Rockin‘ Soul (1974, Platz 18), Love Corporation (1975, Platz 62) un I Caught Your Act (1977, Platz 92). Trotz dissen Spood hett sück de Band 1977 uplööst.