Iserbrook (Landkreis Cuxhoben)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21769 | |
| Vörwahl: | 04773 | |
| Geograafsche Laag: | Koordinaten:53° 39′ N, 9° 6′ O53° 39′ N, 9° 6′ O | |
|
| ||
Iserbrook (hoochdüütsch Iserbrock) is en Hoff in de Gemeen Loomst (Samtgemeen Loomst) in’n Landkreis Cuxhoben, Neddersassen. De Oort höört polietsch von öllers bi Hockmöhlen mit bi.
Geografie ännern
Iserbrook liggt an de Süüdoostsied von’n Westerbarg. De Beek, de an’n Noordrand von Iserbrook langsflütt, münnt an de Bundsstraat 495 in’n Hockmöhlener Beek. Dat Daal von’n Hockmöhlener Beek is as Naturschuulrebeed Westerbarg un dat bövere Hockmöhlener Beekdaal schuult.
De Naveröörd sünd Rahden in’n Noorden, Wohlenbeek in’n Noordoosten, Hockmöhlen in’n Oosten, Seth in’n Süüdoosten, Lüttmöhlen un Loomst in’n Süden, Köben in’n Süüdwesten, Mittelsnohn in’n Westen un Nordahn in’n Noordwesten.
Historie ännern
Verwaltungsgeschicht ännern
De Oort hett vör 1859 to dat Amt Bremervöör tohöört un denn von 1859 bet 1885 to dat Amt Oosten. Na 1885 weer dat in’n Kreis Neehuus. 1932 is dat Deel von’n Land Hadeln worrn un 1977 von’n Landkreis Cuxhoben.
Inwahnertall ännern
| Johr | Inwahners |
|---|---|
| 1824[1] | 2 Füürsteden |
| 1848[2] | 10 Lüüd, 1 Huus |
Religion ännern
Iserbrook is evangeelsch-luthersch präägt un höört to dat Kaspel von de Bartelmees-Kark in Loomst.
För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.
Weertschop un Infrastruktur ännern
Bi Iserbrook warrt von dat Ünnernehmen Fibo ExClay Düütschland Toon afboot.
Verkehr ännern
Von Iserbrook loopt twee Straten an de Bundsstraat 495 ran, de in’n Noordoosten na Basbeek/Warstood an de Bundsstraat 73 ran un wieder na Wischhoben geiht un in’n Süden över Loomst na Bremervöör an de B 71/74 ran.
De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 33 Kilometer in’n Süüdoosten von Iserbrook.
De nächste Bahnhoff is so bi söven Kilometer wied weg in’n Noordoosten de Bahnhoff Hemmoor an de Nedderelvbahn.
Footnoten ännern
- ↑ C. H. Jansen: Statistisches Handbuch des Königreichs Hannover. 1824, Sied 320: http://books.google.de/books?id=tG0AAAAAcAAJ&pg=PA320
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132