Janina Hettich-Walz
Janina Hettich-Walz, boren Janina Hettich (* 16. Juni 1996 in Schramberg) is en düütsch Biathletin. Hör bitlang gröttste Spood is de Gewinn vun de Sülvermedaille mit de düütsch Staffel bi de Weltmeesterschapen 2021.
In dat Öller vun teihn Johren fung se up Rollski mit den Langloop an, twee Johr later is se in den Ski-Club in Schönwald intreeden un fung dor mit regelmatig Biathlon-Training an. 2012 wessel se up dat Skiinternat Furtwangen un nah dat Abitur 2014 wurr se as Leistungssportlerin Liddmaat vun de Sportfördergrupp vun de Bundswehr in Todtnau.
Biografie ännern
Janina Hettich-Walz is mit twee jüngeren Geschwistern in Lauterbach upwussen. 2015 geev Hettich-Walz bi de Jöögd-Weltmeesterschaoen in Minsk-Raubitschy hör Instand up internatschoanl Ebene un kunn dor all Platzeeren ünner de best Teihn recken. In dat folgend Johr hett se an de Junioren-WM deelnommen un hett in Martell hör eerst Rennen in’n IBU-Cup bestreeden. De Saison 2016/17 verbroch Hettich-Walz denn in‘n IBU-Junior-Cup, wo se in hör eerst Rennen gliek up den tweeten Platz keem. In den wiederen Verloop vun de Saison kunn se an disse Leistung aber nich mehr anknütten un wurr an’t Enn’n 22. in de Gesamtwertung. Bi hör Deelnahm an de Juniorenweltmeesterschapen in Osrblie keem se in’t Eenzel aber up Rang 6.
2017 is Janina Hettich-Walz in den Seniorenberiek wesselt un hett regelmatig an den IBU-Cup deelnommen. In de Gesamtwertung keem se up den 16. Rang. To de Saison 2018/19 kunn se hör Leistung stiegern, reck regelmatig de Top 10 un bi den Sprint in de Lenzerheide mit Platz dree eerstmals dat Podium. Bi de Europameesterschap in Minsk keem se in’t Eenzel up den 5. Platz un wunn mit de düütsch Mixed-Staffel de Sülvermedaille. An’t Enn’n vun de Saison belegg se in den Gesamt-IBU-Cup Rang 4, wordör se sück för dat Weltcupfinale in Oslo qualifizeeren dee. Dor keem se in’n up Platz Sprint 44. Un kunne sück in de Verfolgung up Platz 32 verbetern. Dorvör kreeg se noch negen Punkte un keem up Rang 92 in de Gesamtwertung.
In’n Sömmer 2019 wurr Janina Hettich-Walz eerstmals in de vun Kristian Mehringer un Florian Steirer traineert Leistungsgrupp Ia vun den Düütschen Skiverbandes upnommen. De Saison 2019/20 is se aber weer in den IBU-Cup anfangen, rück aber all in’n Dezember in Le Grand-Bornand in den Weltcup up un reck dor in Sprint un Verfolgung eerstmals en Platz ünner de best 30. In‘n Januar weer se in Oberhof ebenfalls eerstmals Deel vun de düütsch Staffel, de Platz veer recken dee. Mit den Start bi der Mixed-Staffel in Pokljuka mit Philipp Horn, Johannes Kühn un Vanessa Hinz reck se mit Platz 3 hör eersten Podestplatz in hör jung Weltcup-Karriere. Mit 45 Punkten reck se in den Gesamt-Weltcup Platz 66.
In de Saison 2020/21 kunn Janina Hettich-Walz nah eerst swaaker Platzeeren in de eerst beid Weltcups in‘n Sprint in Hochfilzen mit Platz 12 de half WM-Norm erfüllen. Wegen hör bannig goot Scheetergevnisse bleev se in den Weltcup. Mit Platz 13 im den tweeten Sprint in Hochfilzen reck se de WM-Norm un hett sück ok för hör eersten Massenstart in’n Weltcup qualifizeert. Dor reck se mit Platz 10 hör eerst Top-Ten-Ergevnis. Bi hör darten Staffelstart vun de Saison 2020/21 in Oberhof reck se gemeensam mit Vanessa Hinz, Denise Herrmann un Franziska Preuß den eersten Weltcupsieg in hör Loopbahn. Bi de Biathlon-Weltmeesterschapen 2021 up de Pokljuca reck se mit de Staffel gemeensam mit Vanessa Hinz, Denise Herrmann un Franziska Preuß de Sülvermedaille. In de Eenzelwettbewarfen keem se nich ünner de best 30. Hör best Platzeeren weer Platz 5 bi dat Eenzel vun Antholz. In den Gesamt-Weltcup keem se up Rang 22 mit 370 Punkten.
De Saison Saison 2021/22 leep för hör nich besünners goot. Blots bi dat letzt Rennen vun de Saison keem se mal up Platz 9 un dormit ünner de best Teihn. Mit 161 Punkten keem se an’t Enn’n blots up Platz 37. In de Staffeln reck se ok kien goot Platzeeren. Folglich weer se ok nich bi de Olympisch Winterspelen dorbi.
Bi de eersten Weltcup-Rennen vun de Saison 2022/23 weer se ok nich dorbi un keem eerst bi de darte Statschoon in Annecy to’n Insatz, wo dat ok noch nich perfekkt leep. In de Loop vun de Saison hett se sück denn aber stiegert un keem tweemal ünner de best Teihn, wat hör an’t Enn’n vun de Saison Platz 30 in de Gesamtwertung mit 205 Punkten inbroch.Nu keem se ok weer in de Staffeln to’n Insatz, mit de se ok twee darte Plätze recken dee. Bi de Biathlon-Weltmeesterschapen 2023 keem se in de Eenzelwettbewarfen eenmal up Platz 20 rin, wat hör best Ergevnis weer, in de Staffeln wurr se nich insett.
De folgend Saison leep bedüüdend beter an. Se keem regelmatig ünner de best 20 rin un bi den Sprint in Oberhof reck se mit Platz 5 hör best Ergevnis bit dorhen un wurr jetzt ok regelmatig in de Staffel insett.
Privates ännern
In’n Fröhjohr 2022 hett Janina Hettich hör Levensgefährten Kai Walz heiraadt. Se führt sietdem den Düppelnaam Hettich-Walz.
Weblinks ännern
Janina Hettich-Walz. Mehr Biller, Videos oder Audiodateien to’t Thema gifft dat bi Wikimedia Commons.