Jap Peter Hansen

Jap Peter Hansen (* 8. Juli 1767 in Westerland op Sylt; † 9. August 1855 in Keitum) weer en noordfreeschen Schriever.

Hansen is 1767 op Sylt boren un is later 15 Johr to See föhrt. 1800 is he denn in Westerland Schoolmeester un Köster worrn. Dorvun dee he in siene Ümgegend ok Jap Köster heten. Ok vun de Navigatschoonsschool weer he de Baas. Vun 1820 bet 1829 dee he in Keitum arbeiden. 1835 müss he allerdings för dree Johr in Haft, denn he harr Geld ünnerslagen. Sien Söhn meen later, dat he sik jümmer al wenig üm de Tokumst scheert harr. Un so hett em denn woll beten Geld fehlt. 1788 bet 1792 hett he op See Di Söl'ring Pir'rersdei (aver eerst 1809 rutkamen) schreven un dormit hett he de noordfreesche Literatur begrünnt.

Ok sien Söhn Christian Peter Hansen hett op Noordfreesch schreven.

In Westerland heet hüüt de Jap-Peter-Hansen-Wai na em un vör de Kark steiht en Gedenksteen.

Warken

• Di Söl'ring Pir'rersdei. Flensborg 1809
• Di lekkelk Stjüürman. 1833