Jean Robic (* 10. Juni 1921 in Condé-les-Vouziers; † 6. Oktober 1980 in Claye-Souilly) weer en franzöössch Radrennfohrer.

De Tipp vun sien Radsportkarriere weer ahn Twiefel de Gesamtsieg 1947 bi de Tour de France. Robic is de eerste Tour-de-France-Sieger nah den Tweeten Weltkrieg. De Bretoon harr dat Geel Trikot wiels dat ganze Rennen nich dragen. Eerst up de letzte Deelstreck, 140 km vör Paris, hett he den entscheeden Angreep gegen Pierre Brambilla sett un wunn somit överraschend de Tour. Robic leeg siet den Dag mit Pierre Brambilla in en deepen Striet. Normalerwies gellt bi grötter Rundfohrten dat unschreeven Gesett, wiels de letzt Deelstreck nich mehr antogriepen, um sück in dat Gesamtklassement to verbetern. Eerst 33 Johr later hebbt sück de beid weer verdragen. Up den Weeg nah Huus an jüst dissen Dag is Robic to Dood kommen, as he mit sien Auto en Unfall veroorsaakt hett un mit en Lastwagen tosommenprallt is. Robic weer stuuv dood.

Noh lang Tiet dornah weer dat franzöösch Volk vun dissen Tour-Sieg begeisters un besünners vun de letzt Deelstreck – en vun de spannendsten Deelstrecken in de Historie vun de Tour de France.

Robic wunn ok de eerst Radquer-WM 1950 in Paris.

Weblenken ännern