Joe Marsala
Joseph Francis „Joe“ Marsala (* 4. Januar 1907 in Chicago; † 4. März 1978 in Santa Barbara (Kalifornien)) weer en US-amerikaansch Jazz-Klarinettist, Saxophonist (Alt,Tenor), Big-Band-Leader un Leedkomponist vun den Oldtime Jazz un Swing.
Marsala hett sück dat Saxophonspeel sülvst bibrocht, studeer aber Klarinett bi en klassischen Musiker. Deelwies mit sein Bröer Marty, en Slagtüüchspeler un Trompeter, speel he in Danzhallen un Speakeasies in Chicago (tietwies weer he ok Liddmaat vun de „Territory Band“ vun Harold West). 1929 un 1933 speel he bi Wingy Manone un tietwies ok bi Ben Pollack. 1935 truck he nah New York, wo he mit Manone in’ „Hickory House“ in de 52nd Street speel. Nah Manones Weggang nah Chicago 1936 speel he dor mit sien eegen „Joe Marsala Orchestra“ (ok „Joe und Adele Girard-Marsala Orchestra“), dat he mit sien Fru, de Harpspelerin Adele Girard (1913 - 1993, Heiraadt 1937), mit Ünnerbreken bit 1948 führ. Hör Band-Erkennungsmelodie weer Singing the Blues.
Leonard Feather schreev, dat se bi hör Jamsessions sönndags in dat Hickory House Enn’ vun de 1930er Johren mehr to dat Överwinnen vun de Rassschranken in Jazz-Bands dahn hebbt as Benny Goodman to glieker Tiet[1]. 1945 nehm he ok mit Dizzy Gillespie up[2]. Vun de Marsala-Band existeeren Upnahmen van 1939 bit 1942 (z.B. Decca 1941). Marsala nehm to disse Tiet ok ünner de Naams „Joe Marsala and his Delta Four“, „Joe Marsala and his Chosen Seven“ un „Joe Marsala and his Chicagoans“ up. To de Band hörrn anfangs Eddie Condon, Joe Bushkin un Red Allen. Tietwies hebbt ok Buddy Rich, Shelly Manne (de 1940 für Dave Tough keem), de Gitarrist Carmen Mastren, Marty Marsala (as Trompeter), Bobby Hackett un Max Kaminsky in’t Orchester. 1945 sünd Sextett-Upnahmen för Black & White Records un Musicraft entstahn.
Af dat Enn’ vun de Bigband-Ära üm un bi 1945 sünd se seltener uptreden un van 1949 bit 1953 leev Marsala in Colorado. In Aspen schreev he en Musical, dat ok in Denver upführt wurrn is. 1954 gung he nah New York torüch un hett en Musikverlag mit de Naam Beatrice Music grünnd. He schreev Leeder u. a. för Frank Sinatra un Patti Page. To sien Hits tellen „Little Sir Echo“ (dat he ok in sien Big Band mit sien Fru sung), „Don’t Cry Joe“ (för Sinatra), „And so to sleep again“ (för Patti Page). Enn’ vun de 1960er Johren speel he weer mit sien Fru Adele Girard (an de Harp un an’t Klaveer) in Clubs.
Weblenken ännern
Lexigraphisch Indrääg ännern
- Carlo Bohländer u. a: Reclams Jazzführer. Stuttgart, Reclam, 1970
- Ian Carr, Digby Fairweather, Brian Priestley: Jazz Rough Guide. Stuttgart, Metzler 1999, ISBN 3-476-01584-X
- Leonard Feather und Ira Gitler, The Biographical Encyclopedia of Jazz. Oxford/New York, Oxford University Press 1999, ISBN 978-0-19-532000-8