Joe Morello
Joe Morello (* 17. Juli 1928 in Springfield, Massachusetts; † 12. März 2011 in New Jersey) weer en US-amerikaansch Jazzmusiker.
Morello hett toeerst mit söss Johren Violine lehrt. Mit negen Johr kunn he dat Instrument so good spelen, dat he en Solo Upträe in Mendelssohns Violinkonzert mit dat Boston Symphony Orchestra maken kunn. Mit 15 Johren hett he aber zo dat Slagtüüch wesselt, wo he bi George Lawrence Stone (de vun de nee Techniker vun sien Schölr so beindruckt weer, dat he hüm dat nächst Lehrbook widmet hett) un Billy Gladstone vun de Radio City Music Hall lehrt hett. Morello wurr nah Tosommenarbeit mit de Glen Gray Band (1950), dem Gitarristen Johnny Smith (1952) un de Stan Kenton Band (1952) regulär Bandliddmaat vun dat Marian McPartland Trio (1953–1956). Van 1957 bit 1967 bild he gemeensam mit Dave Brubeck (Klaveer), Paul Desmond (Oltsaxophon) un Gene Wright (Bass) de woll berühmteste Formation vun dat „Dave Brubeck Quartett“. Brubeck leet de vun Geburt an sehbehinnert Morello Ruum för utdehnt Soli. Good Bispeelen dorför sünd „Castilian Drums“, „Take Five“, „Far More Drums“, „Watussi Drums“ un „Unsquare Dance“. De Upnahmen vun dat berühmt Konzert van’ 22. Februar 1963 in de Carnegie Hall beeden in „Castilian Drums“ en besünners utdehnt Morello-Solo.
Nah de Trennung vun Brubeck hett Morekko, de as ganz präzise Slaagtüüchspeler gellt, ok Platten mit sien „Joe Morello Quartet“, dem neben hüm noch Greg Kogan (Piano), Ralph Lalama (Saxophon un Flöt) und Gary Mazzaroppi (Bass) anhören, verapenlicht: „going places“ (dmp records 1993) un „Morello Standard Time“ (dmp records 1994). Morello interpreteert old Standards (Sweet Georgia Brown, Take Five), grippt aber ok nee Filmmusik (Mission Impossible) up. Neben sien Tätigkeit as Musiker geev Morello ok Ünnerricht in Slagtüüch.