KT Tunstall
Kate Victoria „KT“ Tunstall [ˈkeɪtɪ ˈtʌnstɔːl] (* 23. Juni 1975 in Edinburgh, Schottland) is en schottische Singersche un Ledermakersche.
Leven un Wark ännern
Tunstall kummt ut St. Andrews in Schottland is vun chinees’sch-irische Afkumst. Opwassen is se bi Pleegöllern. Se hett an de Kent School in Connecticut un an de Royal Holloway Universität in London studeert. As se inst ehr wohre Mudder drapen hett, is se wies worrn, dat ehr Vadder ok Musiker weer. Se ülsvt harr disse Loopbahn al inslahn. To Anfang vun ehr musikaalsch Wark weer se be en poor Independent-Gruppen un hett sik dorbi op dat Schrieven vun Leder spezialiseert. Ünner annern schreev se ok Musik för Kinner-Feernsehsennen, in de se ok optreden is. As se Stuidentin in London weer, hett se mit ehr Akustikgitarr al ünner den Naam KT in en Studentenkneipe speelt. De Naam is en Kortform vun ehrn Vörnaam Katie.
Ehrn Dörbrook harr se mit en Solo-Vörstellen vun dat Leed Black Horse and the Cherry Tree bi de britische Ünnerhollensshow Later with Jools Holland. Dorto keem dat, as de plaante Optritt vun den Rapper Nas nich stattfinnen künn, vunwegen dat den sien Vadder krank worrn weer. KT Tunstall harr blots 24 Stünnen Tiet, sik op den Optritt vörtobereiden. Ehr eerst Album Eye to the Telescope is kort dorna nee opleggt worrn un steeg in de UK-Charts bit op den drüdden Platz – na de eersten Publikatschoon keem dat Albumn blots bit op Platz 73. In’n Juli 2005 is dat Album för den Mercury Music Prize 2005 vörslahn wesen.
In Düütschland is KT Tunstall buten de Hitparaden to’n eersten mol 2005 bekannt, as se en Kunzert op datNew Pop Festival geev, dat jeed Johr vun den Radiosenner SWR3 afhollen warrt. Bi de BRIT Awards 2006 is se mit den Titel British Female Solo Artist as beste britische Solokünstlerin ehrt worrn. In’n Oktober 2006 keem ünnern den TitelKT Tunstall’s Acoustic Extravaganza en Reeg vun Leder rut, de mit akustische Instrumenten speelt weern. Egentlich schülln de Leder eerst blots över ehr Websteed verköfft warrn. Dat Album schall se in blots 36 Stünnen in’t Studio inspeelt hebben. Ehr tweet Studioalbum Drastic Fantastic is in’n September 2007 rutkamen. Dat drüdde Album Tiger Suit keem in Düütschland in’n Oktober 2010 op’n Markt.
An’n leefsten speelt KT Tunstall Westerngitarren vun Gibson, vör allen de so nöömten Dove-Modellen.
Vun 2008 bit 2013 weer Tunstall mit den Slagtüüchspeler Luke Bullen verheiraat, de in Joe Strummer sien Grupp The Mescaleros aver ok för John Squire speelt hett.
Diskografie (Utwahl) ännern
Albums ännern
| Johr | Titel | Chartpositschonen[1] | ||||
|---|---|---|---|---|---|---|
| DE | AT | CH | UK | US | ||
| 2004 | Eye to the Telescope | 43 | 41 | 29 | 3 | 33 |
| 2006 | KT Tunstall’s Acoustic Extravaganza | – | – | – | 32 | – |
| 2007 | Drastic Fantastic | 35 | 43 | 8 | 3 | 9 |
| 2010 | Tiger Suit | 89 | – | 34 | 5 | 43 |
| 2013 | Invisible Empire // Crescent Moon | – | – | 56 | 14 | 64 |
| 2016 | Kin | – | – | 96 | 7 | – |
| 2018 | Wax | – | – | – | 15 | – |
Singles ännern
| Johr | Titel | Chartplatzierungen[1] | Album | ||||
|---|---|---|---|---|---|---|---|
| DE | AT | CH | UK | US | |||
| 2005 | Black Horse and the Cherry Tree | 51 | 31 | 92 | 28 | 20 | Eye to the Telescope |
| Other Side of the World | – | – | – | 13 | – | ||
| Suddenly I See | 89 | 48 | 46 | 12 | 21 | ||
| Under the Weather | – | – | – | 39 | – | ||
| 2006 | Another Place to Fall | – | – | – | 52 | – | |
| 2007 | Hold On | 100 | – | 26 | 21 | – | Drastic Fantastic |
| Saving My Face | – | – | 93 | 50 | – | ||
| 2008 | If Only | – | – | – | 45 | – | |
| 2010 | (Still a) Weirdo | – | – | – | 45 | – | Tiger Suit |
Borns ännern
Weblenken ännern
- KT Tunstall in de Internet Movie Database (hoochdüütsch)
- Offizielle Websteed (engelsch)
- Offizielle düütsche Websteed
- KT Tunstall bi MusicBrainz
- KT Tunstall bi Discogs