Ketzendörp

Dörp in de Gemeen Buxtuud in’n Landkreis Stood, Neddersassen
Wapen/Flagg Koort

Wapen vun Ketzendörp

Ketzendörp
Laag vun Ketzendörp in Düütschland
Basisdaten
Bundsland: Neddersassen
Landkreis: Stood
Gemeen: Buxthu
Inwahners:
Hööchd: 1 m över NHN
Postleettall: 21614
Vörwahl: 04168
Geograafsche Laag:
Koordinaten:53° 27′ N, 9° 46′ O
53° 27′ N, 9° 46′ O

Karte

Ketzendörp (hoochdüütsch Ketzendorf) is en Dörp in de Gemeen Buxthu in’n Landkreis Stood, Neddersassen. Binnen de Gemeen höört de Oort to de polietsche Oortschop Öbergünn/Ketzendörp.

Geografie ännern

De Naveröörd sünd Vosshusen in’n Noordoosten, Wulmsdörp un Doasdörp in’n Oosten, Ilsdörp in’n Süüdoosten, Arsdörp in’n Süden, Imbeek in’n Westen un Öbergünn in’n Noordwesten.

Historie ännern

Bi Ketzendörp gifft dat 17 Hünengräver un dor sünd ok veel archäoloogsche Funnen maakt worrn.

Ketzendörp keem an’n 11. November 1105 as Keccinthorp toeerst in de Oorkunnen vör, nadem Graaf Dierk III. von Katelnborg von sien Vader Land in Ketzendörp arvt harr un bi dat Stiften von dat Klooster Katelnborg dissen Besitt dat Klooster mitgeven hett.

In’n Eersten Weltkrieg sünd fiev Soldaten ut Ketzendörp fullen oder vermisst un in’n Tweten 21[1].

Ketzendörp leeg vör 1859 in’t Amt Mesborg, denn bet 1885 in’t Amt Töst un weer na 1885 Deel von’n Kreis Horborg un von 1932 af an Landkreis Horborg.

Ketzendörp hett an’n 1. Mai 1964 de Enklaav „Bredenheid“ an de Gemeen Wulmsdörp afgeven. Ketzendörp is an’n 1. Juli 1972 bi de Gemeenreform in Neddersassen mit de Gemeen Buxthu tohoopleggt worrn un dorbi von’n Landkreis Horborg to’n Landkreis Stood wesselt. Vondaag billt de Oort binnen de Gemeen Buxthu tohoop mit Öbergünn de Oortschop Öbergünn/Ketzendörp mit egen Oortsvörsteiher.

Inwahnertall ännern

Johr Inwahners
1824-00-001824[2] 14 Füürsteden
1848-00-001848[3] 109 Lüüd, 17 Hüüs
1871-12-011. Dezember 1871[4] 158 Lüüd, 24 Hüüs
1910-12-011. Dezember 1910[5] 160
1925-00-001925[6] 148
1933-00-001933[6] 152
1939-00-001939[6] 177

Religion ännern

Ketzendörp is evangeelsch-luthersch präägt un höört to dat Kaspel von de Nicolai-Kark in Ilsdörp.

För de Kathoolschen is de St.-Maria-Kark in Buxthu tostännig.

Wapen ännern

Dat Wapen wiest op gollen Grund en swart Hoorn von en Hartbuck.

Kultur ännern

En Denkmaal för de Fullenen ut Ketzendörp ut de twee Weltkrieg’ steiht in’n Süden von’n Oort.

Weertschop un Infrastruktur ännern

Ketzendörp bedrifft sien Freewillige Füürwehr in’n Verband tohoop mit Övelgünn.

Verkehr ännern

 
tweesprakig Oortsschild

An Ketzendörp langs löppt de Bundsstraat 3, de in’n Süden na Ilsdörp geiht un in’n Noordwesten in Övelgünn an de Bundsstraat 73 ranlöppt un von dor na Buxthu wiedergeiht. Lüttjere Straten gifft dat na Arsdörp, Imbeek un Wulmsdörp.

Dat Dörp hett in de Johren 2010 ne’e gele Oortsschiller kregen, op de nu ok de plattdüütsche Naam blangen den hoochdüütschen mit op steiht.

Scholen ännern

Na Grundschool gaht de Kinner op de Grundschool Ooldklooster.

Ver- un Entsorgung ännern

För dat Afwater is de Stadtentwässerung Buxthu tostännig.

Literatur ännern

  • Claus Ahrens: Das frühmittelalterliche Gräberfeld von Ketzendorf. 1977

Footnoten ännern

  1. http://www.denkmalprojekt.org/dkm_deutschland/buxtehude-ketzendorf_wk1u2_ns.htm
  2. C. H. Jansen: Statistisches Handbuch des Königreichs Hannover. 1824, Sied 330: http://books.google.de/books?id=tG0AAAAAcAAJ&pg=PA330
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 99: http://books.google.de/books?id=eOI-AAAAcAAJ&pg=PA99
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 130: https://books.google.de/books?id=qTZDAQAAMAAJ&pg=RA2-PA130
  5. http://www.gemeindeverzeichnis.de/gem1900/gem1900.htm?hannover/harburg.htm
  6. a b c http://www.verwaltungsgeschichte.de/harburg.html

Weblenken ännern

  Ketzendörp. Mehr Biller, Videos oder Audiodateien to’t Thema gifft dat bi Wikimedia Commons.