Kevin Michael Costner (* 18. Januar 1955 in Lynwood, Kalifornien) is en US-amerikaanschen Schauspeler, Filmproduzent un Speelbaas.

Kevin Costner

Biografie ännern

Costner is de Söhn vun en irischstämmige Mudder, Sharon Rae Tedrck, un en düütschstämmigen Vadder, William Costner. In sien Schooltiet weer Cosnter Liddmaat vun‘n Karkenchor un schreev blangeto Gedichten. He gell as en Dagdrömer un Butensieter. Een vun sien gröttsten Hobbys weer jümmer de Sport. In de Jöögd hett he Basketball, Baseball un American Football speelt, later hett sik op in‘t Sport versöcht.

Vun 1973 an hett he an fief Avenden in de Week Schauspeelünnerricht nahmen. Dat College hett he 1978 in‘t Fack Business (so veel as Bedrievsweertschop) afslaten. Na sien Studium an de California State University hett he en Marketingberoop in Orange County annahmen un sien Leefste ut de Jöögdtiet, Cindy Silva, heiraadt. Bi en tofallig Drapen kreeg he vun Richard Burton de Raatslag, sik op de Schauspeleree to kunzentreeren, wenn he dat in den Beroop to wat bringen wull. Costner hett dorophen sien Beroop opgeven, is na Hollywood togen un höll sik dor toeerst as Lastwagenfohrer, Hoochseefischer un Busfohrer bi Stadtrundfohrten över Water. Sien Fro is as Schneewittchen in Disneyland optreden.

Sien Filmdebüt geev Costner 1974 mit de Softsex-Kummedie Sizzle Beach, U.S.A., de aver eerst 1986 rutbröcht worrn is, as Costner al lang en Star weer. De Dreiharbeiten weern rein gro nix för em, so dat he sik vörnahmen hett, de Schauspeleree blieven to laten, wenn he keen annere rullen finnen künn. Eerst Anfang vun de 1980er Johren keem he mit lüttere Rullen wedder na‘n Film torüch. Sien Szenen in de Tragikkummedie The Big Chill (1983) vun Lawrence Kasdan sünd rutsneden worrn, man Kasdan hett den jungen Costner 1985 denn en Hööftrull in den Western Silverado geven. Sien Speel un sien akrobaatschen Rietkünsten hebbt Indruck maakt un kemen bi de Tokiekers un bi de Kritikers goot an.

Sien Dörbrook to‘n Star harr he 1987 in den Film The Untouchables vun Brian de Palma. In‘t glieke Johr hett he den spoodrieken Thriller No Way Out dreiht. Twee Johr later harr he en wieteren Filmspood mit den märkenhaften Film Field of Dreams, över en Buern, de mit den Bo vun en Baseball-Stadion in sien Maisfeld de verleden Tieten torüchbeswört. To disse Tiet hett de Kritik Costner, de in sien Rullen jöögdhaften Charme un fasten Willen utstrahlen de, as en „ne‘en Gary Cooper“ fiert.

Op den Höögdpunkt vun sien Popularität hett Costner 1990 de Hööftrull in Dances with Wolves övernahmen un weer togliek ok Speelbaas un Produzent vun den Film. De meher as dree Stünnen duern Film is en internatschonalen Spood worrn, liekers de Fackwelt dat nich glöövt harr. De Film weer twölf mol för den Oscar nomineert un hett sövern dorvun wunnen. Bit Mitt vun de 1990er Johren keem denn meist een Spood na’n annern mit Filmen as Robin Hood: Prince of Thieves, JFK, Bodyguard oder Perfect World.

De Verfilmen vun’t Leven vun Wyatt Earp vun Lawrence Kasdan mit Costne in de Titelrull weer 1994 teemlich mau. Een Johr later hett Costner den Science-Fiction-Film Waterworld produzeert, denn he nan Striet mit den Speelbaas Kevin Reynolds to’n Deel ok sülvst inszeneert hett. De Film weer dormols de düerste Film, de je dreiht worrn is, hett aver 264 Millionen US-Dollar inspeelt.[1] De Film hett aver in de USA mit 88 Miollionen US-Dollar teemlich wenig inspeelt un gellt dor nu as finanziellen Flop. Twee Johr later hett Costner nochmol alles op een Kort sett, üm as Schauspeler, roduzent un Speelbaas en vergliekswies düre Mischen ut Western un Science-Fiction to dreihn. De Film The Postman is aver finanziell meist spektakulär na achter los gahn un hett Costner butendem noch de Golden Himbeer för den slechtsten Film vun’t Johr inbrocht.

Grode Filmen mit Costner sünd dorna nich mehr kamen. Liekers bleev he mit Hööftrullen in Filmen as Message in a Bottle, Thirteen Days oder Open Range wieter to sehn un bi sien Smack. 2007 hett he mit sien Rull as Regenmöörder in den Film Mr. Brooks överrascht. Costner weer in de düütschen Versionen tomeist vun Frank Glaubrecht synchrooniseert.

Costners Eh mit sien Fro Cindy Silva is 1994 na 16 Johren scheedt worrn. De beiden hebbt tosamen dree Kinner. Ut en korten Affär mit Bridget Rooney stammt sien Söhn Liam. Siet 2004 is he mit de düütschen Handtaschenmakersche Christine Baumgartner verheiraadt. De beiden hebbt tosamen twee Kinner. 2007 hett Costner mit Ünnerstütten vun sien Fro en Country-Grupp grünnt, de den Naam Modern West hett. Vun jem is bit hüüt een Album (Untold Truth) rutkamen.

Filmografie (Utwahl) ännern

Johr Titel Funkschoon Synchroonsnacker
1981 Sizzle Beach, U.S.A
dt.: Heißer Strand, USA
Schauspeler Frank Glaubrecht (Synchro 1991)
1982 Chasing Dreams
dt.: Chasing Dreams – Träume sind wie Staub im Wind
Schauspeler  
1983 Testament
dt.: Das letzte Testament
Schauspeler  
1985 Fandango Schauspeler Frank Glaubrecht
1985 Silverado Schauspeler Ulrich Gressieker
1985 American Flyers
dt.: Die Sieger – American Flyers
Schauspeler Sigmar Solbach
1987 The Untouchables
dt.: The Untouchables – die Unbestechlichen
Schauspeler Heiner Lauterbach
1987 No Way Out
dt.: No Way Out – Es gibt kein Zurück
Schauspeler Frank Glaubrecht
1988 Bull Durham
dt.: Annies Männer
Schauspeler Frank Glaubrecht
1989 Field of Dreams
dt.: Feld der Träume
Schauspeler Frank Glaubrecht
1990 Revenge
dt.: Eine gefährliche Affäre
Schauspeler
Produzent
Frank Glaubrecht
1990 Dances with Wolves
Der mit dem Wolf tanzt
Schauspeler
Speelbaas
Produzent
Frank Glaubrecht
1991 Robin Hood: Prince of Thieves
dt.: Robin Hood – König der Diebe
Schauspeler
Produzent
Frank Glaubrecht
1991 JFK
dt.: JFK – Tatort Dallas
Schauspeler Frank Glaubrecht
1992 The Bodyguard
dt.: Bodyguard
Schauspeler
Produzent
Frank Glaubrecht
1993 A Perfect World
dt.: Perfect World
Schauspeler Frank Glaubrecht
1994 Wyatt Earp
dt.: Wyatt Earp – Das Leben einer Legende
Schauspeler Frank Glaubrecht
1994 The War
dt.: Das Baumhaus
Schauspeler Frank Glaubrecht
1994 Rapa Nui Produzent
1995 Waterworld Schauspeler
Speelbaas
Produzent
Frank Glaubrecht
1996 Tin Cup Schauspeler Frank Glaubrecht
1997 The Postman
dt.: Postman
Schauspeler
Speelbaas
Produzent
Frank Glaubrecht
1999 Message in a Bottle
dt.: Message in a Bottle – Der Beginn einer großen Liebe
Schauspeler
Produzent
Frank Glaubrecht
1999 For Love of the Game
dt.: Aus Liebe zum Spiel
Schauspeler Frank Glaubrecht
2000 Thirteen Days Schauspeler
Produzent
Frank Glaubrecht
2001 3000 Miles to Graceland
dt.: Crime is King – 3000 Meilen bis Graceland
Schauspeler Frank Glaubrecht
2002 Dragonfly
dt.: Im Zeichen der Libelle
Schauspeler Frank Glaubrecht
2003 Open Range
dt.: Open Range – Weites Land
Schauspeler
Speelbaas
Produzent
Frank Glaubrecht
2005 The Upside of Anger
dt.:An deiner Schulter
Schauspeler Frank Glaubrecht
2005 Rumor Has It…
dt.: Wo die Liebe hinfällt
Schauspeler Frank Glaubrecht
2006 The Guardian
dt.: Jede Sekunde zählt – The Guardian
Schauspeler Frank Glaubrecht
2007 Mr. Brooks
dt.: Mr. Brooks – der Mörder in Dir
Schauspeler
Produzent
Frank Glaubrecht
2008 Swing Vote
dt.: Swing Vote – die beste Wahl
Schauspeler
Produzent
Frank Glaubrecht
2009 The New Daughter Schauspeler Frank Glaubrecht
2010 Company Men Schauspeler Frank Glaubrecht
2013 Man of Steel Schauspeler
Produzent
Frank Glaubrecht
2014 3 Days to Kill Schauspeler Frank Glaubrecht
2014 Black or White Schauspeler
Produzent
Frank Glaubrecht
2015 McFarland, USA
dt.: City of McFarland
Schauspeler Frank Glaubrecht
2016 Criminal
dt.: Das Jerico-Projekt: Im Kopf des Killers
Schauspeler Frank Glaubrecht
2017 Molly’s Game: Alles auf eine Karte Schauspeler  

Utteken ännern

Kevin Costner heer al faken för Filmpriesen un Utteken nomineert. Tosamen weer he för mehr as 70 Priesen vörslahn. Uttekent worrn is he bit hüüt (Dezember 2013) mit 34 Filmpriesen, as to’n Bispeel:

Ünner de Priesen weer aver ok söss mol de Goldene Himbeer.

Weblenken ännern

  Kevin Costner. Mehr Biller, Videos oder Audiodateien to’t Thema gifft dat bi Wikimedia Commons.

Borns ännern

  1. The Numbers: Waterworld - Box Office Data, Movie News, Cast Information. (engelsch)