Lawrence Robert Klein
Lawrence Robert Klein (* 14. September 1920 in Omaha, Nebraska; † 20. Oktober 2013 in Gladwyne, Pennsylvania[1]) weer en US-amerikaansch Wertschapswetenschapler. He kreeg 1980 den Nobelpries för Wertschapswetenschapen in Anerkennung vun sien Forschen to computerstütt ökonometrischen Modellen un deren Anwennen up de Analyse vun Konjunkturzyklen un de Wertschapspolitik.
Leven ännern
Lawrence Klein sien Kindheit un Jöögd stunn in' Schadden vun de Weltwertschapskrise, wat sien latere beroplich Interessen fördern dee, ebenso as sien all wiels de Schooltied upfallen Begabung för Mathematik. De Utbröök vun den Tweeten Weltkrieg full tosommen mit den Övergang vun Klein vun de School an de Universität. As Student hett he sück fraagt, wu de politischen un wertschaplichen Entwicklungen tosommenhangen. Sien gasamt lateres Beropsleben kreis um dit Thema
He studeer Volkswertschap an de University of California, Berkeley. Ansluutend wessel he to das Institut vun Paul Anthony Samuelson an dat Massachusetts Institute of Technology, wo he 1944 sien Doktertitel kreeg. Dornah gung he an de University of Chicago (1944–1947), wo he en mathematisch Modell vun de U.S.-Volkswertschap utarbeiten dee, um den Verloop vun Konjunkturzyklen to verstahn un de Utwirken vun wertschapspolitisch Matnahmen vöertoseggen. Dit Modell hett in' Wedderspröök to de begäng Meenen en wertschaplichen Upswung in de Nahkreisgtiet vörut, wat wohr wurrn sull. Ebenfalls korrekt vorherseggen kunn he en lichte Depression nah dat Enn' vun den Koreakrieg.
Dornah folgten Upenhollen an dat National Bureau of Economic Research (1948–1950) un an de University of Michigan (1949–1954). Hier hett he sien Modelle noch mehr fiener maakt un entwickel tosommen mit Arthur Goldberger dat beropen wurrn makroökonoomsche Klein-Goldberger-Modell. Dat foot up Grundlagen vun Jan Tinbergen, den eersten Nobelpriesdräger för Wertschapswetenschapen (1969), bruuk aber en anner ökonoomsche Theorie un anner statistische Verfohren.
De antikommunistische Kampagne vun Senator McCarthy verhinner en Fastanstellen vun Klein an de Universität Michigan, wiel he van 1944 bit 1946 Liddmaat vun de kommunistisch Partei weer. Later hett he dat up „Naivität vun de Jöögd“ torüchführt.
He gung denn för eenig Jahr nah England an de University of Oxford (1954–1958). Nahdem de McCarthy-Hetzkampagne afklungen weer, gung he torüch in de USA, an de Wharton School vun de University of Pennsylvania, wo he bit to de Emeriteeren lehren un forschen dee.
1959 kreeg Klein de John Bates Clark Medal, en vun de beid renommeertst Utteknungen up dat Rebeet vun de Volkswertschap.
Klein hett in de 60er Johren en Reeg vun utfielt ökonometrisch Modelle utarbeit, de as Wharton-Modelle wiet Anwennen funnen. He hett de Beraderfirma WEFA (Wharton Econometric Forecasting Associates), hüüd Global Insights grünnd. En to glieker Tiet noch umfaatener un nauer weltwiet ökonometrisch Modell wurr, gemeensam mit anner Forschensgruppen, in dat Projekt Link utarbeit. Dit Modell versöcht, de Utwirken vun ökonoomsch Entwicklungen vun en Land up anner Volkswertschapen to modelleeren.
1976 hett Klein de wertschapspolitischen Themen vun den Präsidentschapskandidaten Jimmy Carter koordineert, en dorupfolgen Inlaaden vun den Präsidenten Carter in de Regeerensmannschap hett he denn aber aflehnt.
1977 wurr Klein to'n Präsidenten vun de Econometric Society un de American Economic Association wählt. Ehrendokter weer he vun över 30 Universitäten weltwiet.
De Begrünnen för de Nobelpriesverleehn slutt mit de Faststellung, dat „wenige, wenn överhoopt een Volkswertschapler en so tallriek Schoor vun wetenschaplich Jünger un en so grooten Infloot harr as Lawrence Klein“.
Privates ännern
Klein weer verheiraadt mit Sonia Adelson un harr veer Kinner (dree Derns un en Söhn).
Utwählt Warken ännern
- The Keynesian Revolution. Macmillan, London 1947, ISBN 0-333-08131-5
- Economic Fluctuations in the United States 1921–41. 1950
- mit A. S. Goldberger: An Econometric Model of the United States, 1929–52. 1955
- mit M. K. Evans: The Wharton Econometric Forecasting Model. 1967
- An essay on the theory of economic prediction. Markham Pub. Co., Chicago 1970, ISBN 0-8410-2005-1
- A Textbook of Econometrics. 1973, ISBN 0-13-912832-8
- mit Gary Fromm: The Brookings Model. 1975
- Econometric Model Performance. 1976
- An Introduction to Econometric Forecasting and Forecasting Models. 1980, ISBN 0-669-02896-7
- Econometric Models As Guides for Decision Making. 1982, ISBN 0-02-917430-9
- The Economics of Supply and Demand. 1983
- mit M. Dutta: Economics, Econometrics and The LINK. 1995, ISBN 0-444-81787-5