Lee Mark Chang
Lee Mark Chang (* Belize-Stadt) is en Politiker ut Belize (UDP).
.jpg)
Chang is as Söhn von Inwannerers ut China in dat Holden Memorial Hospital in Belize-Stadt boren. He is de Söhn von Armando Chang, de 1974 dat Restaurant Chon Saan Palace in Belize-Stadt apenmaakt hett. Lee Mark Chang hett denn ok in dat Familienünnernehmen arbeidt.
In’n August 2010 hett Premierminister Dean Barrow Chang in’n Senaat beropen. Dor hett he kommissarsch dat Amt as Präsident von’n Senaat övernahmen för de Tied, in de Andrea Gill in Öllerntied weer.
Bi de Parlamentswahl in Belize 2012 weer he Kannedaat för de UDP in’n Wahlkreis Freetown, hett de Wahl mit 46,95 % von de Stimmen gegen Francis Fonseca von de People’s United Party verloren un kunn dormit nich in dat Repräsentantenhuus von Belize intehn.
Chang weer denn von’n 9. November 2015 bet 21. April 2019 Präsident von’n Senaat.
