Lili von Asten
Lili von Asten, ok Lilly von Asten (* 1. März 1879 in Aken; † 19. Dezember 1924 in Düsseldörp[1]), weer en düütsch Malerin un Radeererin vun de Düsseldörper School.
Leven ännern
As eenzig Dochter vun en Textilfabrikanten hett Lili von Asten Kindheit un Jöögd in Eupen verbrocht, dormals en Deel vun de preußisch Rhienprovinz. En künstlerische Utbillen kreeg se in de Damenmalschool vun den Düsseldörper Maler un Grafiker Heinrich Otto. Dor weer Henriette Schmidt-Bonn hör Mitschölerin un mit hör hett se sück 1911 de Willingshäuser Malerkolonie anslooten.[2] Natur- un heimatverbunnen, buterdem en Anhängerin vun de Freeluchtmaleree, hett se tallriek Öölgemälde, Aquarelle, Handteeknungen un Radeerungen mit Motiven ut dat Eupener Land, ut de Eifel un vun de hessisch Schwalm schafft.
In dat Öller van 45 Johren is de Künstlerin an en Hirnhuutentzündung in Düsseldörp storven.[3] En Utstellung vun hör Warken ut den Besitt vun den Eupener Geschichts- un Museumsvereen as ok vun Utlehn ut Privatbesitt hett dat Stadtmuseum Eupen in 2021 veranstalt.
Kiek ok ännern
Weblinks ännern
- Lili von Asten (1879–1924). Landschaften aus Heimat und Ferne, Webseite in dat Portal stadtmuseum-eupen.be
Enkeld Nahwiesen ännern
- ↑ Lebensdaten im Portal eupenabc.be, afropen an’n 26. August 2022
- ↑ Sylke Grede: Willingshausen: Künstlerburg öffnet sich für Künstlerinnen. Artikel van‘n 14. April 2021 in dat Portal hna.de, afropen an’n 1. Oktober 2022
- ↑ Die Malerin Lili von Asten. In: eupen erleben. Utgaav 4, Oktober 2021, S. 7 (PDF)