Mahrdörp
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21762 | |
| Vörwahl: | 04751 | |
| Geograafsche Laag: | Koordinaten:53° 49′ N, 8° 57′ O53° 49′ N, 8° 57′ O | |
|
| ||
Mahrdörp (hoochdüütsch Mahrdorf) is en Dörp in de Gemeen Oterndörp (Samtgemeen Land Hadeln) in’n Landkreis Cuxhoben, Neddersassen. De Oort höört polietsch von öllers al bi Oosterenn Oterndörp mit bi.
Geografie ännern
Mahrdörp liggt in de Masch von de Elv, üm un bi twee Kilometer af von’n Stroom. In’n Westen un Noorden löppt de Haadler Kanaal langs. Dat Butendieksland is as Naturschuulrebeed Haadler un Belener Butendiek schuult.
De Naveröörd sünd Belen un Bahrdörp in’n Oosten, dat Noorderenn von Oosterbrook in’n Süden un Nackenbüttel, Kochenbüttel un Oterndörp in’n Westen.
Historie ännern
Verwaltungsgeschicht ännern
De Oort hett vör 1852 to dat Kaspelsgericht Oosterenn Oterndörp binnen Land Hadeln höört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
1929 sünd Oosterenn Oterndörp un Westerenn Oterndörp Deel von de Stadt Oterndörp worrn.
Inwahnertall ännern
| Johr | Inwahners |
|---|---|
| 1848[1] | 204 Lüüd, 29 Hüüs |
| 1. Dezember 1871[2] | 179 Lüüd, 22 Hüüs |
Religion ännern
Mahrdörp is evangeelsch-luthersch präägt un höört to dat Kaspel von de Severus-Kark in Oterndörp.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur ännern
Verkehr ännern
Dör Mahrdörp löppt de Bundsstraat 73, de in’n Westen na Oterndörp un Cuxhoben geiht un in’n Süüdoosten över Belen, Neehuus un Kumbarg na Hemmoor un Stood.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 18 Kilometer in’n Westen von Mahrdörp.
De nächste Bahnhoff is so bi veer Kilometer wied weg in’n Süüdwesten de Bahnhoff Oterndörp an de Nedderelvbahn.
Footnoten ännern
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 156: http://books.google.de/books?id=eOI-AAAAcAAJ&pg=PA156
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 150: https://books.google.de/books?id=qTZDAQAAMAAJ&pg=RA2-PA150
