Mohamed Bahari
Mohamed Bahari (* 29. Juni 1976 in Sidi Bel Abbès) is en ehmalger algerisch Boxer. He wunn 1996 bi de Olympisch Sömmerspelen vun Atlanta de Bronzemedaille in’t Middelgewicht.
In dat Johr 2003 wurr he Profi, harr aber man wenig Spood. Nah en K.-o-Nedderlaag tegen den Venezuelaner Gusmyl Perdomo, hett he 2004 sien Profiloopbahn al wedder opgeven. Söven Kämp harr he maakt, dorvan dree wunnen (een dör K.-o), twee utgleken un twee verloren.