Musterklemm

De Musterklemm, Flachkoppklemm oder ok Büdelklemm is en Klemm ut Metall, de bruukt warrt, üm Musterbüdels, Versandtaschen oder annere Saken in de Oort to versluten.

Verscheden Musterklemmen

Musterklemmen warrt ut Blick maakt, wat tomeist mit Messing övertogen is. Dat gifft jem mit’n runnen un ok mit’n flachen Kopp in ünnerscheedliche Grötten. As de Klemmen mehrmols verwennt warrn künnt, sorgt se dorför, dat de Verpacken apen- un tomaakt warrn kann, ahn dat se dorbi twei geiht. Dat passeert to’n Bispeel to’n Kontrolleeren vun Bökersennen oder Worensennen in de Post.