Oostfreesch Melkschaap
Dat Oostfreesche Melkschaap is en Schaap, wat an un for sik in Oostfreesland tohuse is. Dat passt allerwegens hen un kann goot för ganz verscheden Saken bruukt weern, as för de Produktschoon vun Melk un Kees, man ok för Wull un Fleesch. Düsse Schaap möögt nich geern in grote Herden tohopenleven, man bloß in lüttje Gruppen. Vundeswegen könnt se goot up lüttje Hööv un up Koppeln holen weern. Veel Utloop bruukt se nich. Midderwielen gifft dat düsse Schaapraass ok in dat düütsche Binnenland. De Auschaap kriegt meist al mit een Johr jem ehr eerst Lamm. De Schaap sünd fröh riep un könnt as bannig fruchtbor ankeken weern. Dat is man roor, dat bloß en Lamm utdragen warrt.
Dat utwussen Schaap weggt bi 70 kg un gifft in't Johr in'n Dörsnitt bi 6 kg. lange, witte Wull un 400-500 kg Melk (towielen ok mehr), mit den Fettandeel vun 5-6 %.
Kiek ok bi ännern
Weblinks ännern
Tucht vun Melkschaap (hoochdüütsch)