Paper Lace
Paper Lace weer en britisch Pop-Band vun de 1970er Johren.
Grünnd wurrn is de Grupp 1969 in Nottingham. Hör eerst Spood in England wurr 1974 Billy Don't Be A Hero, en Song, de in Amerika vun de Band Bo Donaldson & The Heywoods rutbrocht wurr un dor ebenfalls Tipprieder in de USA weer. In dat glieker Johr wurr mit The Night Chicago Died en meest glieker spoodriek Hit nahschaven, de in de USA sogot up Platz 1 keem. Wat denn folgen dee, weern aber blots noch lüttgere Hits.
1978 gelung de Grupp noch en lütt to nömmen Achtungserfolg: Se sungen gemeensam mit den Footballvereen Nottingham Forest de Hymne We've Got The Whole World In Our Hands.
Kört dornah hett sück de Band vun Paper Lace in Lace umnömmt – un wurr vergeeten.
Heiner Müller hett 1995 The Night Chicago Died in sien Inszeneeren Der aufhaltsame Aufstieg des Arturo Ui vun Bertolt Brecht in dat Theater am Schiffbauerdamm (Berliner Ensemble) verarbeit.
Liddmaaten ännern
- Cliff Fish (* 13. August 1949 in Ripley, Derbyshire; † 14. April 2023), Gesang, Bass
- Chris Morris (* 1. November 1954 in Nottingham), Gitarr
- Carlo Paul Santanna (* 29. Juni 1947 in Rom), Gitarr (bit 1976)
- Michael Vaughan (* 27. Juli 1950 in Sheffield), Gitarr
- Phil Wright (* 9. April 1948 in Nottingham), Slagtüüch