Parkmore (Brenneree)

Parkmore weer en Whisky-Brenneree in Dufftown, Moray, Schottland. Se höör dormit to dat schottische Whiskyrebeet Speyside un leeg in de Neeg vun de vundaag noch aktiven Destillen Glendullan un Glenfiddich. De Bowarken vun de Anlaag sünd in de schottischen Denkmollisten in de Kategorie B inordent^[1].

Parkmore
De ehmolige Brenneree Parkmore (Foto: Christopher Gillan)
Land	Schottland
Region	Speyside
Tyyp	Malt
Status	stillleggt (1931)
Besitter
Grünnt	1894
Grünner	Parkmore Distillery Co.

Historie ännern

Parkmore achter dat Fiddich-Viadukt

De Destille is 1894 vun de Parkmore Distillery Co. 1894 grünnt worrn, üm Malt-Whisky to produzeren. Üm 1900 is de Brenneree vun James Watson & Co. övernahmen worrn, de 1923 sülvst vun John Dewar & Sons övernahmen worrn sünd. Twee Johren later güng se an de Distillers Company Ltd. (DCL) un opletzt 1930 an de Scottish Malt Distillers (SMD), de 1931 den Bedrief stillleggt hebbt. De Lagerhüüs weern noch wat länger bruukt. Tallrieke Hüüs vun de Brenneree staht ok vundaag noch. Se gellt as de Brenneree ut de Tiet vun’n Whiskyboom to’n Enn vun’t Viktoriaansche Tietöller, de an’n besten överduert hett^[2]^[3].