Parnass
| Parnass | ||
|---|---|---|
| Barggrupp: | ||
| Hööchd: | 2.455 m över de See | |
| Land: | Grekenland | |
| Kuntinent: | Europa | |
| Koordinaten: | Koordinaten:38° 32′ N, 22° 37′ O38° 32′ N, 22° 37′ O | |
| ||
De Parnass (greeksch Παρνασσός / Parnassós, latiensch Parnassus) is en Barg in Grekenland. He is 2.455 m över de See hooch. Dor is he de tweethööchste Barg in Grekenland mit. An'n süüdwestlichen Enne liggt Delphi. In de Greeksche Mythologie höört de Barg to den Gott Apollon sien Riek to. Dor schöllt ok an den Kastaalschen Born de Musen tohuse ween. Dorüm warrt „Parnass“ ok as Sinnbild un as en anner Woort för de verscheden Künste bruukt, wo de Musen för tostännig sünd.
In de Antike hett se den Barg den „tweetoppten“ nömmt. Apoll schall hier de Slang Python verwunnt hebben. Na de grote Floot, wo Zeus dat Gollen Tiedöller mit to Enn bröcht hett, schöllt Deukalion un Pyrrha up den Parassos lannt hebben. In dat Tiedöller vun den Barock weer de Parnass en Bild för dat glückliche Land vun de Künste un den Freden. De Montparnasse in Paris hett sien Naam vun düssen Barg.
Toppen ännern
Den Parnass sien hööchsten Topp is de Liakoura (Λιάκουρα) mit 2455 Meter.
Annere Toppen sünd:
- Tsárkos (Τσάρκος), 2415 m
- Jerontóvrachos (Γεροντόβραχος), 2395 m
- Kalójiros (Καλόγηρος), 2327 m
- Mávra Lithária (Μαύρα Λιθάρια), 2326 m
- Voidomáti (Βοϊδομάτι), 1947 m
- Petrítis (Πετρίτης), 1923 m
- Pyrgákia (Πυργάκια), 1718 m
De Parnass in de Kunst ännern
Bit in dat 18. Johrhunnert weer de Parnass mit Apollo un de Musen en Thema, wat geern bruukt wurrn is. Bispelen:
- Apollo un de Musen up Parnassos vun Nicolas Poussin.
- Parnass (Raffael): en Fresko vun Raffael (1511) in de Stanza della Segnatura, dor is ok sien bekannter Wark De School vun Athen to finnen.
- Parnass, en künstlichen Felsen in de Eremitage (Bayreuth), ut dat fröhe 18. Johrhunnert.
- De Parnass, Bild vun Anton Raphael Mengs