Paul Wellens
Paul Wellens (* 27. Juni 1952 in Hasselt) is en ehmalger belgisch Radrennfohrer.
Profi is he 1976 wurrn. En Johr later kunn he all en Etappe bi de Tour de France winnen und 1978 gelung hüm dat noch mal und he kreeg in dat Johr ok de rood Rügg-Nummer för den agressivsten Fohrer. Sien gröttste Erfolg weer aber de Sieg bi de Tour de Suisse in dat Johr 1978. 1985 hett he sien Karriere beend.
Paul Wellens is de öllere Bröer vun Johann un Leo Wellens un de Unkel vun Yannick un Tim Wellens. He hett en Utbillen as Mester.