Wikipedia

Peter Alexander

Peter Alexander (* 30. Juni 1926 in Wien; † 12. Februar 2011 ok dor[1]; eegentlich Peter Alexander Ferdinand Maximilian Neumayer) weer en öösterrieksch Singer, Schauspeler un Showmaster. Van Midden vun de 1950er bit Midden vun de 1990er Johren hörr he to de populärst Ünnerhollenskünstler in de düütschspraakig Ruum.[2]

Peter Alexander (1952)

Leven ännern

Peter Alexander weer de Söhn vun den Bankangestellten Anton Neumayer (1900-1947) un de sien Ehefru Bertha, boren Wenzlick (1896-1987), Dochter vun en Musikalienhannelsmann ut Pilsen. All to sien Schooltiet wies he all den Hang to’t Parodeeren up. 1944 hett he sien Matura in Znaim afleggt un keem dornah eerst in den Rieksarbeitsdeenst un denn in de Kriegsmarine.

Ab 1946 absolveer Peter Alexander Neumayer an dat Max-Reinhardt-Seminar en Schauspeel-Utbillen, dat he 1948 mit Utteknung afslooten hett. He nömm sück denn ok blots noch Peter Alexander.

All 1951 keem bi de Plattenfirma Austrophon Alexander sien eerst Schallplaat rut („Das machen nur die Beine von Dolores“). 1953 wessel he to Polydor, wo dat Erfolgsduo Kurt Feltz un Heinz Gietz völ Leeder för hüm schreven hett.

Schauspeler, Entertainer, Showmaster ännern

Alexander is van 1952 bit 1972 as Dorsteller in insgesamt 38 Ünnerhollens- un Revuefilmen uptreden, in de he ok meest immer as Singer to hörrn weer.[3] Faken weer Gunther Philipp sien Partner. Popularität kreeg Alexander dör de Rull as Kellner Leopold in de Operettenverfilmung Im weißen Rößl (Regie Werner Jacobs, 1960). Disse Oort vun Ünnerhollensfilmen, de lichte Muse, wurr ok kommerziell spoodriek. So wurr Alexander 1957 vun Düütschlands Kinobesitter to’n besten Nahwuchskünstler wählt, un he kreeg later ünner annern ok noch de „Goldene Lienwand“ un die „Berolina“.

Van 1969 bit 1996 keemen de Peter-Alexander-Shows – 1963 bit 1966 in‘ WDR (swaart-witt), 1969 bit 1996 in‘ ZDF/ORF –, in de he as anseggend Gastgever, Entertainer, Parodist un Singer uptreden dee, mit bit to 38 Millionen Feernsehzukiekers alleen in Düütschland up bannig hooch Inschaltquoten, de dat sonst blots bi Överdragen vun Spelen bi Football-Weltmeesterschapen geev. Alexander wurr so Showstar in de gesamte düütschspraakig Ruum. Ok de dormalig ZDF-Shows Peter Alexander präsentiert Spezialitäten un Wir gratulieren mit de Böker vun Hans Hubberten un ünner de Regie vun Ekkehard Böhmer, Dieter Pröttel un Dieter Wendrich keemen up hhoch Tokiekertallen, allerdings geev dat dormals ok weniger Sender-Konkurrenz as hüüd.

Filmografie ännern

Speelfilme ännern

Van 1948 bit 1972 speel Peter Alexander in tallriek Speelfilmen mit, dort hörrn:

* Szene(n) wurr(n) nich in‘ Film bruukt

Feernseh-Shows ännern

Van 1963 bit 1996 geev Peter Alexander tallriek Feernseh-Shows[4], dorto hörrn:

  • 26. Dezember 1963: Spaziergang in Wien
  • 5. Dezember 1964: Spaziergang durch das Land der Operette
  • 11. Mai 1966: Spaziergang durch das Land des Films
  • 3. Dezember 1966: Ein Wiener in Paris
  • 2. Dezember 1973: Peter Alexanders Wunschkonzert
  • 4. Oktober 1975: Treffpunkt Herz
  • 2. Dezember 1976: Peter Alexander präsentiert Walt Disneys Welt
  • 29. September 1977: Peter Alexanders Wiener Geschichten
  • 23. August 1980: Peter Alexander – Danke Robert Stolz! (to‘n 100. Gebortsdag vun den Komponisten)
  • 17. Mai 1987: Soirée in Wien (Eröffnungsgala ut dat Austria Center)
  • 19. November 1987 bis 25. Dezember 1995: Die Peter Alexander Show (6 Shows), ZDF/ORF
  • 9. März 1969 bis 25. Dezember 1985: Peter Alexander präsentiert Spezialitäten (13 Shows), inkl. 1 Show mit den Ünnertitel Ein Tag in Wien mit Peter Alexander und Günter Pfitzmann, ZDF
  • 29. November 1979 bis 28. November 1985: Peter Alexander: Wir gratulieren (7 Shows), ZDF
  • 20. und 27. November 1986: Wir gratulieren Peter Alexander (2 Shows to sien 60. Gebortsdag)
  • 24. November 1990: Peter Alexander – Ein Herz für Berlin
  • 30. Juni 1996: Peter Alexander – Was sind schon 70 Jahre

Peter Alexander weer ok Gast in verscheeden Feernseh-Shows[5], dorto hörrn:

Diskografie ännern

Nummer-een-Hits in de düütsch Single-Hitparade ännern

  • Der Mond hält seine Wacht, 1955
  • Eventuell, Eventuell, 1955
  • Ich weiß, was dir fehlt, 1956
  • Verbotene Träume, 1967
  • Der letzte Walzer, 1967
  • Delilah, 1968
  • Liebesleid, 1969

as ok insgesamt 38 Top-Ten-Erfolge in de düütsch Single-Hitparade.

In Öösterriek harr he twee un in de Swiez een Nr.1-Hit.

Utteknungen un Ehrungen ännern

Literatur ännern

  • Michael Wenk und Barbara Löhr: Peter Alexander – „Das tat ich alles aus Liebe …“ Ueberreuter, Wien 2006, ISBN 3-8000-7181-9 (Bildbiografie to’n 80. Gebortsdag 2006 mit en Vöröwoort vun Peter Alexander).
  • Claudio Honsal: Peter Alexander – Das Leben ist lebenswert. Amalthea, Wien 2006, ISBN 978-3-85002-564-5.
  • Eva Roither und Andreas Kloner: Es war bezaubernd, danke schön. ORF-Radiofeature, 2006, 54 Min., anlässlich des 80. Geburtstag von Peter Alexander.
  • Peter Alexander: Gestatten, Peter Alexander. Bertelsmann, Gütersloh / Wien 1971, ISBN 3-570-00005-2.

Dokumentarfilm ännern

  • Peter Alexander. Dokumentarfilm, Deutschland, 2007, 45 Min., Buch und Regie: Birgit Kienzle, Produktion: SWR, Reihe: Legenden, Erstsendung: 19. August 2007, Inhaltsangabe vun Das Erste.

Weblenken ännern

Enkeld Nahwiesen ännern

  1. ↑ Tiefe Trauer um Peter Alexander in: KleineZeitung vom 12. Februar 2011
  2. ↑ Nahroop bi filmportal.de upropen an‘ 14. Februar 2011
  3. ↑ In en eerst Rull as Statist weer Peter Alexander all in 'Der Engel mit der Posaune' (1948) to sehn Born: Peter Alexander. Die offizielle Webseite
  4. ↑ Peter Alexanders eigene Fernseh-Shows (laut peter-alexander.at)
  5. ↑ Peter Alexander als Gast in anderen Fernseh-Shows (laut imdb.de)
Vun „https://nds.wikipedia.org/w/index.php?title=Peter_Alexander&oldid=974730“