Petra Tiemann
Petra Tiemann (* 2. Dezember 1958 in Kutenhult) is en düütsche Politikerin von de SPD.
Tiemann is 1958 in Kutenhult boren un hett 1979 dat Staatsexamen as Medizinisch-Technische Assistentin (MTA) maakt. Bet 1985 weer se anstellt in dat Afdeel för Pathologie un Histologie in dat Krankenhuus Stood. 1986 hett se dat internatschonale Examen as MTA maakt un hett siet de Tied freeberooplich in de medizinische Diagnostik arbeidt. Tiemann is Maat von’n Sozialverband Düütschland. Se is verheiraadt un hett twee Kinner.
Tiemann is 2001 in de SPD ringahn un is Vörsitterin von’n SPD-Oortsvereen Freenbeek. Se weer ok Viez-Vörsitterin von’n SPD-Ünnerbezirk Stood un is Bisitterin in’n Vörstand von’n SPD-Bezirk Noord-Neddersassen. 2001 is se in’n Gemeenraad von de Gemeen Kutenhult un in’n Satmgemeenraad von de Samtgemeen Freenbeek wählt worrn. In de Samtgemeen is se Vörsitterin von’n Utschuss för Jöögd, Sport un Kultur. Bi de Landdagswahl 2008 is se över de Landslist von de SPD in’n Landdag von Neddersassen wählt worrn. As Direktkannedaat in’n Landdagswahlkreis Stood kunn se sik mit 32,5 % von de Stimmen nich gegen Kai Seefried von de CDU (50,4 %) dörsetten. 2008 is se Vörsitterin von’n SPD-Ünnerbezirk Stood. An’n 11. September 2011 is Tiemann as Vörsitterin von’n SPD-Bezirk Noord-Neddersassen wählt worrn. Vörher weer se siet 6. September 2008 Schatzmeesterin von’n SPD Bezirk Noord-Neddersassen. Bi de Landdagswahl 2013 is se wedder över de Landslist von de SPD in’n Landdag rinkamen. As Direktkannedaat in’n Landdagswahlkreis Stood kunn se sik mit 36,2 % von de Stimmen wedder nich gegen Kai Seefried von de CDU (50,0 %) dörsetten.
Bi de Landtagswahl 2017 hett Tiemann knapp dat Landdagsmandat verpasst un is nich weer wählt wurrn.
Weblenken ännern
- Biografie op de Websteed von’n Landdag Neddersassen (hoochdüütsch)