Pierre Capdeville (* 1908; † 2. März 1980) weer en franzöösch Entomoloog un Lepidopteroloog. Sien Spezialrebeet weern de Bottervagels vun de Parnassiinae-Ünnerfamilie.

Leven ännern

En körten Nekroloog is vun Jacques Rigout rutgeven wurrn.[1]

He weer Techniker vun Berop un harr en Afsluss vun de École polytechnique.

Wark ännern

Nahdem en eerst Arbeit vun hüm in dat Journal Alexanor verapenlicht wurr,[2] wull Pierre Capdeville en noch genauer Studie vun den Parnassius apollo fertigen. Jean Bourgogne, de Direkter vun dat Journal, funn dat Wark aber as to umfangriek. He hett aber Kuntakt to de Firma Sciences Nat upnommen, de Schrievers as Capdeville söken deen. Se hebbt sien Wark denn ok in söss Deelen in twee Spraaken (Düütsch un Franzöösch) herutgeven.[3] As Verfaater hett sück Capdeville üm allens kümmert, also ok um de Illustratschonen, Koorten un Fotografien vun all de Exemplaren vun sien Sammlung.

Vörbereit harr he todem noch twee anner Warken, een, in de he de ünnerscheedlich Oorten vun den Apollo-Falter Parnassius apollo dorstellen wull, de anner sull sück mit den Genus Parnassius in de Paläarktis befaaten.

Later hett he sück denn nich mehr so wetenschaplich mit Bottervagels befaat, sonnern mehr as Künstler. He hett denn Bottervagels mit Waterfarven malt, vun de veer Serien ok verapenlicht wurrn sünd.[4]

Sien umfangriek Sammlung wurr nahderhen an dat Nationale Museum för Natuurgeschichte in Paris geven.

Wat nah hüm nömmt wurrn is ännern

  • Imbrasia capdevillei Rougeot, 1979
  • Parnassius epaphus capdevillei Epstein, 1979
  • Peridinium capdevillei Balech, 1959
  • Protoperidinium capdevillei Balech, 1959

Enkeld Nahwiesen ännern

  1. Rigout (J.), 1980. Pierre Capdeville (1908-1980), Bulletin de la Société Sciences Nat, 25, S. 2
  2. Capdeville (P.), 1967. Note sur la classification des races ibériques de Parnassius apollo, Alexanor, 5, pp. 167-172
  3. Capdeville (P.), 1978-1980. Les races géographiques de Parnassius apollo L., Sciences Nat, Venette
  4. Capdeville (P.), 1979. Faune et Flore Pittoresques de Provence, Sciences Nat, Venette