Pinkel (vun’t oostfreesch pink „lütten Finger“, „Pint“ aver ok „lütte Wust“) is en Wust, de vör allen ut Speck, Rinnertalg, Swiensmolt un Grütt ut Haver un Gasten maakt un rökert warrt. Dat naue Rezept is vun Dörp to Dörp ünnerscheedlich un meist ok en Bedriefsgeheemnis vun den Slachter, de de Wust maken deit.

Gröönkohl mit Buukspeck, Kassler, Kohlwust un Pinkel (de lütte Wust in’ne Midd).

Pinkel kannst du am am Besten met Gröönkohl un Tuffeln äten. Bi Bremen, Ollnborg un wieter hooch in’n Noorden makt se in’n Winter veel „Kohlfohrten“. Da word veel eten un drunken. Meistiet doot se ok Booßeln dorbi.